[ دعوة لإقامة جمعية الشيخ حسين الخيرية ...]

أعزائي أعضاء منتدى الشيخ حسين الحبيبة العاملين بدولة الإمارات العربية المتحدة

تحية عطرة محملة بالحب والتقدير والاحترام ........ أما بعد

من باب ( وتعاونوا على البر والتقوى )

ادعوكم جميعا للمشاركة في تأسيس جمعية الشيخ حسين الخيرية

وهي عبارة عن جمعية هدفها مساعدة ابناء القرية المحتاجين واليتامى

وأقترح عليكم وأنا اعلم انكم اهل خير وكرم وشهامة و حب للخير

1- إرسال مبلغ 600 جنية سنويا باسم الشيخ / عابد عبدالرحمن محمد عابد

2- يكون المبلغ سنويا ( بواقع 50 جنيه شهريا ) بحيث يرسل من كافة الأعضاء قبل أسبوع من شهر رمضان سنويا

3- يقوم الشيخ عابد بجمع المبلغ الذي اتوقع ان يكون جيدا وتوزيعه على المستحقين

4- لا يحق لأي فرد جمع مبالغ عن طريق اليد وتوصيلها أو جمع مبالغ من أعضاء بغرض إرسالها.

5- يمكن لفرد واحد في البلد الاستفادة من المبلغ بغرض المساعدة في عملية جراحية أو زواج إذا كان الشخص مسلم غير قادر

6- يحق للشيخ عابد التصرف في المبلغ بحرية مطلقه .

7- لا يحق لأي فرد مراجعة باقي الأعضاء في المنتدى بهذا الشأن إلا من خلال الشيخ عابد في البلد

يمكن للمشارك الاطلاع على المبالغ المحولة و كيفية توزيعها ومعرفة المستفيدين منها إذا رغب في ذلك

بمراجعة الشيخ عابد شخصيا مع تقديم الحوالة المرسلة للشيخ عابد والتي تثبت مشاركته في هذه الجمعية


هذا والله من وراء القصد


كما اتمنى منكم المشاركة باقتراحات لتنفيذ الفكرة و لتنظيم الجمعية

شكرا ليك يا أستاذ ناصر وبارك الله لك ولكل من يقوم على هذا العمل
وإن شاء الله سأقوم بدوري لهذا العام مع نزولي البلد الشهر القائم بمشيئة الله

بارك الله فيكم على هذه المبادرة الطيبة..
وجعلها فى ميزان حسناتكم..

الله ينور يا احلي شباب في الدنيا بس اشمعني الامارات ولا هي الكويت مش اهل خير طبعا انا مشارك في الجمعية وجزاك الله خير يا ناصر واتوقع ان يشارك فيها الكثير باذن الله فلذلك اقترح ان يفتح حساب في اي بنك وينشر رقمه وترسل المبالغ علي الحساب مباشرةوطبعا هيكون الشيخ عابد هو المتصرف الوحيد في هذا الحساب

فكرة رائعة وربنا يكلل مجهودات الناس بالنجاح يارب

ياما اطرحت افكار فى المنتدى ولم تنفذ

اتمنى ان يخيب ظنى هذة المرة وان تأسس الجمعية بسرعة

وعجبتنى فكرة الاخ على ان يكون هناك حساب بنكى للجمعية ويخضع لتصرف الشيخ عابد

حتى تسهل عملية التحويل والتبرع وجزا الله صاحب الفكرة بالخير ان شاء الله

ياما نادينا بالموضوع ده
وقلنا مرات ومرات
واقترح ناس كتيرة موجودة وقديمة فى المنتدى
الموضوع ده
لكن للأسف لم ينفذ
بس أنا هبرز حسن النية المرة دى فى تأسيس الجمعيه
وأتمنى اننا نكمل الموضوع ده
انا لست متشائما بل والله ناديت وغيرى كثيرون فى المنتدى
وأنا مشترك مع حضراتكم فى هذه الجمعية
ولكن
دعونى أقول لكم
أنه اذا أردنا جمعية خيرية فهذا يستلزم بعض التراخيص على حد علمى
احنا ممكن نبعتها كده للشيخ عابد وهو يتصرف بمعرفته فيها
شكرا لكل من يساهم فى هذا

بارك الله فيكم ولكم

لا للتشاؤم انا أعتقد أنها صدقة جارية

والكل سيشارك إن شاء الله وخصوصا المبلغ بسيط جدا كبداية

وهذا عمل بين العبد وربه

انا لم أقصد إشهار الجمعية ولا معرفة من أرسل

المهم أن نشارك ويكون في الوقت المحدد

حتى يكون المبلغ حلو

ولا نحتاج لتراخيص وغيره

وادعوكم لحث الأخرين على المشاركة

كما أدعو بالسرية في الأمر حتى لا نحرج أحدا

المهم التنفيذ ولو بالقليل وأول الغيث قطرة

وبارك الله فيكم وبارك لكم ووسع ارزاقكم

شكرا استاذ ناصر على مبادرتك الجميلة
ونحن معك بإذن الله يدا واحدة
ليتحقق المرجو

ومين قال ان دى مش موجوده دى موجودة بالفعل والمشرفين عليها الشيخ عابد وماهر جاد وعزقلانى ومن زمان وتقدم دقيق وحلويات وكسوة عيد وغيرها الكتير راجعوا الشيخ عابد هتلاقوها دى من زمان وكمان فى ناس انا اعرفهم مشتركين فيها من اعضاء او مشرفين المنتدى
تحياتى

كلام حلو خالص اذا كانت موجودة يااحمد نشوف ايه نظامها واذاي نقدر نشارك فيها بس حد يتولي الموضوع ويكلم الشيخ عابد ويرتب معاه واعتقد ناصر الرفاعي احسن من يقوم بهذه المهمة

عندك حق فى ان فكرة التبرع دى موجودة من زمان مع الشيخ عابد لكن احنا بنتكلم عن تحويل الفكرة دى الى جمعية رسمية معترف بيها لعدة اسباب
1-هتلاقي عدد المتبرعين هيذيد بشكل ملحوظ لان الجمغية هيكون ليها حساب بنكى فيسهل على الناس الى فى الخارج الى ممكن يتبرعوا تحويل اموال التبرعات بدلا من ارسال حوالة ومشاكلها ده بالاضافة الى ارهاق الشيخ عابد بالذهاب الى البنك عشان يصرف الحوالة الى بعتها فلان او علان فلما يكون هناك حساب بنكى تحت تصرف الشيخ عابد هيكون اسهل للطرفين المتبرع و المتصرف فى اموال البترعات
2- لما الفكرة دى تتحول لجمعية رسمية هتنبه الناس الى واجب التبرع وهتكون زى منبه دايم ليهم بمعنى انى لو انا راجل مقتدر ومعايا فلوس وعايز اتبرع بيها اول حاجة هتيجى فى دماغي هى الجمعية الخيرية بالشيخ حسين
3- واكيد هيكون للجمعية اعضاء من الشباب الى احنا ممكن نستغل طاقاتهم فى عمل الخيربدل ماهم ملاقحين ع القهاوى وبالتالي يكون للجمعية نشاطات دينية وتوعية نستقطب بيها الشباب دى وبالتالى هتساعد الجمعية فى توجيه اشباب الى الظريق السليم وهتحاول ان شاء الله فى ازالة الفكرة السيئة عن شباب القرية وبالتحديد تناول المخدرات من بانجو وخلافه
4- لما تتحول الفكرة الى جمعية برئاسة الشيخ عابد هتسير بحرافية اكتر و هيكون ليها اهداف ومنهج وخطط مدروسة وتتناول مجالات حياتية كتيرة يعنى ممكن نلاقى فيها لجنة دينية تدير الندوات الدينية ودروس التوعية ولجنة اجتماعية تبحث فى المشكلات الاجتماعية التى قد تواجه البلد وتحاول حلها يعنى مثلا عدم قدرة الشباب على الزواج بسبب قلة القلوس او كفالة يتيم واو عمل عمليات جراحية لغير القادرين ولا بناء مسكن لمن لا يملكه ساعنتها اللجنة دى هيكون ليها دور كبير فى تحديد المحتاجين وترتيب الاولويات حسب الموارد المتاحة
وغيرها من اللجان الاخرى كلجنة الصلح ولجنة الحكماء ايوه الحكماء ليه لع لما يكون فيه ناس بتقدرها البلد وتسمع كلامها ساعتها بس نقدر بيهم نحل مشاكل كتيرة كغلاء المهور وغيرها من نفقات الزواج


ودى وجهة نظرى

3-

يا جماعة على فكرة أنا على اتصال دائم بالشيخ عابد ولو فعلاً كله مستعد للموضوع ده أنا ممكن أكلمه النهاردة وأخد رأيه..
بس بشرط الجدية فى هذا الموضوع..

ياعم اتكل ع الله واتصل بيه

صبرا اعتقد ان في اقتراحات تانية هتيجي وكمان الموضوع ده مش هينفع في التلفون اعتقد محمد اما ينزل يقعد مع الشيخ عابد ويكلمه في الموضوع وكمان يكون الم بالموضوع كله واهداف الجمعية بالضبط ده محمود قال شوية حاجات عاوزه لجنة علشان تنسقها اقترح الموضوع يفضل مفتوح للدراسة وفي النهاية يقوم محمد حافظ بقراءة الموضوع كله جملة واحد ة ويستخلص ما نريده بالتحديد ويكلم الشيخ عابد ثم نبدأ علي بركة الله مع الحفاظ علي الهمة والعزيمة وان شاء الله ستخرج الجمعية الي النور بأجمل مما نتمناه لها دمتم لما فيه الخير لبلدنا الحبيبة وديننا الحنيف

بارك الله فيكم..
ويا ريت الأستاذ محمدوالاستاذ ناصر والأستاذ محمود يشوفوا الناس اللى عندهم اللى ممكن تشترك فى الموضوع ده -يعنى الناس اللى مش موجودة بالمنتدى- علشان يكون فيه أعضاء أكثر فى هذه الجمعية ...
وربنا يوفقنا كلنا لما فيه الخير لبلدنا..

الموافق على الاشتراك فى الجمعيه يتفضل بقول نعم
موافقه
هذه ليست دعابة انما هى حقيقة فلا أظن أن أحدا يسمع مثل هذا النداء ولا يلبى
ياباغى الخير أقبل

ياريت يا جماعه والله الناس حالتها وحشه ف البلد

بارك الله فيكم الأمر أيضا لا يحتاج للسرعة حتى تعم الفكرة

ويشارك فيها عدد كبير حتى لأشخاص خارج المنتدى .


أرى العدد والحمد لله كاف كبداية

وكما ذكرت يجب توحيد الجهود وإرسال المبلغ في وقت محدد من السنة

حتى يكون كبيرا ينفع عددا أكبر ويمكن أن يساهم في حل أزمة مثلا


الإخوة الأعزاء لتعميم الفكرة يجب ان نتحمل ونوسع صدورنا لبعضنا البعض

والملهم في النهاية الأجر والثواب والأعمال بالنيات .

طول عمرنا بنسمع بالفكرة وفي ناس منكم بتعمل خير كثير بس بنشتغل بشكل فردي

واليوم أنا فرحان جدا لأن الفكرةصارت بتاعتنا كلنا وكلنا اقترحناها من زمان

المهم المشاركة والأجر والثواب من الله سبحانه وتعالى .


لا تقل قديمة بل قل سنحييها من جديد

أقترح وهذا رأي شخصي أن يقوم الأخ :

أشرف التوني عبدالعزيز

بالاتصال بالشيخ عابد وتعريفه بتجديد الفكرة بشكل منظم

وإذا أمكن يأخذ لنا منه رقم حساب ويطلعنا عليه


ونشارك كلنا بشكل علني وننشر الموضوع فيما بيننا حتى نحمس الآخرين

شكرا استاذ أشرف على مداخلتك الجميلة

كلام جميل ومشروع ممتاذ وهوة على رأي كثير من الأعضاء طرح مسبقا قبل ذلك في المنتدي ولكن أنا متعشم خير في هذة المرة أن يطبق بالفعل .................. بارك الله فيكم ولكم وفي شباب القرية وأنا عن نفسي سوف ابلغ من اعرفهم من البلد وندعو للموضوع بجدية اكثر .
بارك الله فيك يا اخ ناصر مصطفى على اعادة تجديد الفكرة ونتمنى من الجميع التوفيق وكله في ميزان حسناتكم بأذن الله .

بارك الله فيك يا أستاذ ناصر وانت كنت غايب من يومين لعله خير وتكون بأحسن حال إن شاء الله

شكرا يا بو حافظ

تاخرنا عنكم لمدة أسبوع بسبب التنسيق مع الشيخ عابد قام الشيخ أشرف التوني عبد العزيز بالاتصال والتنسيق

مع الأخ أسامة الزيادي وتشاورا في طرح وتجديد الفكرة وعرضها على الشيخ عابد ، وقام اللأستاذ أسامة بالفعل

بالجلوس مع الشيخ عابد و وضح له فكرة الجمعية وحماس الشباب لتجديد الفكرة و رغبتهم في إنشاء جمعية رسمية

، مشهرة و معلنة و لها حساب بنكي معروف ، و قبل موافقة الشيخ عابد على الموضوع تقدم بالشكر لكل أبناء

الشيخ حسين ودعا لهم بالتوفيق و السعة في الرزق ،كما شكر بشكل خاص كل من ارسل له مساعدة لأبناء البلد .


وبخصوص الجمعية قال : من السهل إشهار الجمعية بشكل رسمي ، و فتح حساب باسمها في البنك وهي خطوة كما

وصفها بالجيدة ، كما رحب بتطوعه في إدارتها ولكنه قال إن البلد في حاجة إلى مبلغ كبير ، يحتاج مشاركة

أعضاء كثر ، وبالتالي اقترح على الأخ أسامة قبل البدء في الجمعية لابد من توافر عدد كاف من الأعضاء ،

للبدء في الإجراءات القانونية .


و رأى أن الإخوة لن يقصروا ولا يجب إرغامهم بمبلغ محدد ، فهناك عدد من العاملين بمرتبات ضعيفة ،

فكل إنسان يشارك بما تجود به نفسه.


ووجب علينا أن نسجل أسماءنا بالموافقة على الجمعية ، و تحميس أبناء البلد جميعا في المشاركة لمن أراد

، حتى نصل إلى العدد المطلوب .

هذا و الله من وراء القصد .

وهو خير الشاهدين

ازاي يتم التسجيل وعبر مين ؟

أنا معكم إن شاء الله

اسامة المجموعة ال ذكرت انهم عاملين جمعية هل هي رسمية ولا لا وان كانت غير رسمية ممكن حد يتواصل معاهم وينضمو لجمعيتنا

ربنا يبارك فيكم جميعاً..
والدال على الخير كفاعله..

جزاكم الله خيرا
وربنا يبارك فيكم
اولا بالنسبة للجمعية التانية هى مش جمعية رسمية
بس هما أنشطتهم الى حد ما مختلفة شوية
لأن الشباب هما اللى بيعملوا كل حاجة فيها
والشيخ عابد مشرف بيوجهم مثلا والشباب هما اللى بيعملوا الانشطة بنفسهم
وفيه ناس فى البلد بتساعدهم فى كده
زى الدكتور عبد الرحمن جمال وحسن فاروق
وطبعا ده كلام كويس وعمل خير ربنا يبارك فيهم ويجمعنا دائما على الخير
اللهم امين

كلام كويس بس لو انضمو لتاسيس جمعية كبيرة باشراف الشيخ عابد يكون احسن وممكن يمارسوانشطتهم من خلال هذه الجمعية

يا رب بارك في كل يد تمتد بالخير

ربنا يبارك فيكم جميعا

ايه الجديد يا شباب

بوركت ياالرفاعي مبدئيا كلامك منطقي ونحن مازلنا في الاتجاه الصحيح اوافق علي ان نبدأ في ارسال المبالغ الي الشيخ عابد واعتقد لو استطعنا اكمال هذا المبلغ كبداية ستكون خطوة جيدة
اين اسامة الذيادي قال انه سيجلس مع الشيخ عابد عند عودته الي البلد ليته لا ينسي

ربنا يبارك فيكم..
وأنا معاكم إن شاء الله ..
بس حددوا المعاد بالضبط..