بسم الله الرحمن الرحيم
فرح أبى عندما أتممت السادسة فقد كنت الابن الأول له وثمرة فؤادة التى تمناها من هذه الدنيا فما لبث أن أتممت السادسة واذا به مسرعا يذهب الى الاستاذ حسن الطويل بارك الله فى عمرة وعافيته وطلب منه تسجيلى فى اولى المراحل التعليمية وهى الابتدائية وكانت الناظرة اسمها ليزة مسيحية وما أنا الا طفل صغير لا يعرف عن التعليم الا الخروج من المنزل والذهاب الى المدرسة مع الجيران للعب والمرح وقد مضت اول سنه دراسية بدون ما اتذكر شىء الا والاستاذ على احمد عبد اللطيف العمدة يعلمنا كيفية الاستنجاء والوضواء فى المصلية والتى كانت فى المدرسة القديمة وسط الزهور والورود التى كانت والشيخ جمال أمين من يحفظنا القران وذهبت الى العام الثانى من الدراسة ولم اكن اعرف شىء فكان هناك عجز فى المقاعد والبنية التحتية للمدرسة وكانوا يسألو التلميذ عن مهنة ابوه من كان لابيه مهنه كويسة يقوموا خبطينو بمبلغ وقدرة علشان يشتروا مقاعد المهم انا مكنتش اعرف لابوية مهنه فى ذلك الوقت ولا اعرف ما هى المهنه اصلا فاذا بتلميذ بجوارى قال ان ابوه ميكانيكى فانا قولت وانا ابويا بيعمل ميكانيكيا فقاموا قال المدرس وكان من ملوى طبعا اجيب تختتين شوفتوا الخيبة المهم ويا له من عام مثلة مثل العام الاول الا انه هناك امتحان اخر العام ويالها من خيبة امل قررت الذهاب الى القاهرة بصحبة عمى اسماعيل حيث انه مقيم هناك ويالها من فرحة لطفل يذهب الى مصر قاهرة المعز وقد كان وعندما عدة من القاهرة فاذا بالدراسة تبدا فذهبت مسرعا الى الفصل الدراسى الجديد الثالث فاذا بخالتى ام محمود مهران ام صاحبى ايمن طبعا تقول يواد يا ابن ماهر انت ده مش فصلك انت لسه فى الصف التانى قولت ليه انا خلصت قالت انت يا حبيبى سقطت فى الامتحان عشان مجتهوش وقولت كويس احسن برضه على الاقل هكون فى نفس الصف مع جيرانى ربيعى عمر ووليد صابر ورضا عبد الفضيل وغيرهم كتير وذهبت فى مراحل التعليم طبعا لا يخفى على احد كنت ملطشة المدرسة فكنت تخين لا اعرف اللعب ولا حتى اعرف المذاكرة تقدروا تقولوا كدة كنت خميرة جدا وفى المرحلة الرابعة من الابتدائى قولت اروح عند الاستاذ حسن اخد درس يا عم احسن رحت طبعا وهات يا ضرب فيه يا معلم كنت اكثر واحد ينضرب منه وكان بيقول ان ابويه قيلة انه يموتنى طبعا كنت يوم اروح وعشرة اهرب اجى عند البيت كدة البحرى اول وخلف البيت كان فى مكان الشباب عملينة ملعب كنت اقعد فيه لغاية ما الزملاء يطلعوا اقوم اروح وفى المدرسة يجى طبعا الاستاذ مهران والاقى كل الفصل بياخد فلوس منه علشان بيحلوا فى الحساب صح وانا اخد تهذيق وطبعا كل شوية يقولى ياد يا ابن ماهر تعاله قابلنى لو فلحت لانى كنت صاحب محمود مهران بنروح الكتاب مع بعض عند الشيخ عابد كنا بناخد كتاب فى المسجد القبلى الحمايدة وساعات فى المدرسة بردو المهم رحت على الصف الخامس وما ادراك ما الصف الخامس فى قصة اسمها عقلة الاصبع وطبعا فى العربى كان مين بقى بيدرسلنا الاستاذ مصطفى عبد العظيم وما ادارك الاستاذ مصطفى هات يضرب وتلطيش والاستاذ مهران يجى يحوش وده بقى قال قوم يواد يا ابن ماهر اقرى قولت ما انا بقارىء طبعا مش عارف اقرأ فقام قال امسك يا بكر ماهر ويا اسامة سمير ويعدال صبحى ومش عارف مين تانى المهم وحلف ميت يمين انه يحدفنى من الشباك وانا اعيط وهو يقول اما تقرأ او من الشباك وانا مش عارف اقرأ خالص وهات ياضرب وانا هات يا عياط وكانت المصيبة اروح البيت طبعا عملها على نفسى طبعا نجحت فى الابتدائى كيف معرفش رحت بقى الاعدادية وطبعا انا زى ما انا معرفش حاجة فى اى حاجة وطبعا اتقابلت بالانجليزى طبعا انا معرفش عربى هعرف انجليزى وطبعا الكارثة مين بقى كانت مدرسة الانجليزى الاستاذه محاسن رياض زوجة الاستاذ محمد كامل طبعا عرفانى علشان عمى ياسين واخد اختها ويا عينى كل شوية تروح تقول اخبارى طبعا الزبالة الى عمى وبالتالى الى ابويه وعينك متشوف الا النور هات يا ضرب عدت السنة دى كمان اروح الاقى فى السنة الثانية عمنا الاستاذ جمال شفيق ويا له من شفيق ده مفيش تفاهم ده طبعا مكنش يعدى يوم الا واضرب على الكريمة طبعا ومدرس الانجليزى اشرف ومحسن رياضيات وحسنى ايضا ومنى علوم ومنى دى فى موقف حصل بس فى تانية التانية المهم طبعا كام مقرى فين اخد واحد فى الفصل انا ووليد وربيعيى وطبعا الجماعة الشطار مين بقى الحيتان خد عندك اسامة سمير حسانين و بكر ماهر و عدال صبحى و اشرف عمر بس كان خايب شوية و ايمن سنوسى وده مرضيش يدخل ثانوى عام و محمود مهران بس خاب بعد كدة وده كل شوية كان يكون فى مدرسة شكل مش عارف ليه كان بيتغير وطبعا اكيد اسامة سمير يتذكر اكثر منى المهم يا رجالة طبعا الجماعة الشطار دول كانوا زى ما يكونوا عبارة عن علماء وقادة لا يمكن الاقتراب منهم او التصوير قيد انملة وطبعا احنا بالنسبالهم زى الكراسى المكسورة اخر الفصل لا حس ولا خبر المهم جبت ملحق فى المواد الاجتماعية طبعا علشان العبط بتاع ابو شفيق رحت الامتحان وكان بيغششو طبعا وانا مش عارف اغش ومش عارف اكتب فكانت النتيجة الرسوب طبعا روحت على ثانية لثانى مرة قولت لا كفاية كدة لازم اذاكر واتعلم شوية طبعا جة نصيبى فى فصل البنات كان معانا مين ايمن مهران واسامة عبد الحميد وسيد وصفى كان زيى كدة بليد وغيرهم المهم احدى عشر طالبا والباقى بنات ويا سلام لما جمال شفيق ولا اشرف عنتر كانوا بيسالوا ومجوبش يخلوا البنات يمسكونى وهات يا عبط طبعا منتهى الاهانة المهم قررت ان اتعلم المذاكرة روحت بقى لازق فى مين ايمن مهران ومصطفى هلالى وعيسى رفعت بس الشيخ عيسى كان فاشل شوية بس كان متفوق واتعلمت منهم المذاكرة والقراية طبعا وكنت لاولد مرة ارفع ايدى واجاوب على سؤال علوم للاستاذة منى فقالت يا سلام اخيرا ابو الهول نطق ودى كانت الانطلاقة نحو المذاكرة وهناك اصل كمان لهذه الانطلاقة لما سقطت طبعا كنت بمشى مع الدفعة بتعتى القديمة لان الدفعة التانية كانوا شكلهم عيال فمرة كنت ماشى مع رضا عبد الفضيل ومحمد عرفان واحمد فاروق فقام احمد فاروق قال ايه انت يا احمد المفروض متمشيش معانا لانك بليد وساقط وروح اجرى امش مع العيال اللى زيك طبعا اتخناقنا وقلت له اخر يوم همشى معاك فيه وسوف ترى من سوف يكون افضل من من ومن هذه اللحظة لم اجلس معه ولم امشى معه ابدا المهم دخلنا الصف الثالث وطبعا دى شهادة المهم كنت بذاكر 48 ساعة فى 24 ساعة وكنت واكل نفسى طيعا الاخ ايمن وعيسى ساعدونى كتير جدا وطبعا لا انسى ابدا الاستاذ عامر حافظ ساعدنى كتير جدا فى الانجليزى فكونت معه صداقة فى هذه الفترة وطبعا كنت زى ظلة لا يفارقة لا فى بيت ولا غيط وممكن الاخ محمد يتذكر هذا طبعا عامر كان لسة فى اولى كلية الاداب قسم انجليزى المهم نجحت فى الاعدادية وجبت مجموع 190 من 280 على ما اذكر يعنى قولت على الثانوى العام على طول ابويه يقول يا ولدى دى تقيلة وجيرانى طبعا دبلومات يقولوا تعالى معانا مش هتقدر وانا اقول ابدا ثانوى يعنى ثانوى رحت الثانوى كان مين معانا بقى فى الثانوية الجديدة التجريبية كان انا وايمن مهران ومحمود عمر واسماعيل عبد الباسط وثابت و بس بعد كدة حول و وحيد وعيسى ودول كانوا بتوع مشاكل وعصام عبد العال محمود دياب والمدرسة التانية كان مصطفى هلالى ده على ما اتذكر المهم رحت الثانوية وعينك متشوف الا النور مواد صعب تتشال مش تتقرى او تتذاكر وبتوفيق الله ومنته وبمذاكرة 76 ساعة فى اليوم عدت اول سنة وطبعا اتذكر ان اتخانقت مع مدرس انجليزى فى السنة دى وضربته المهم واحنا رحين تانية طبعا كنت خايف من عقدة تانية دى طبعا تانية ابتدائى مشكلة وبعديت تانية اعدادى ودلوقت ثانية ثانوى بس ربك كرم بموضوع التحسين قولت كويس كدة الواحد ضمن هيعدى المهم كنت بذاكر كتير جدا وبمساعدة الاستاذ عامر حافظ وتشجيع الاستاذ ضاحى حامد ومصطفى رياض ومحمد زكريا وطبعا كل ما امسك واحد اهرية اسالة لغاية ما عديت مع العلم انا لم اخذ درس اطلاقا مطلاقا فى الثانوى وعدت الدراسة ونجحت وطبعا كنت بعدى فى الانجليزى بالعافية يعنى كنت بجيب 10 من 25 درجة النجاح بالعافية المهم اخذن الشهادة الثانوية بنسبة 67.8 ودى طبعا كويسة بالنسبة لى جدا وقدمت فى التنسيق جالى اداب المنيا انتساب قولت اخرتها اكون مدرس لا يا عم على تجارة على طول سمعت ان تجارة اسيوط صعبة قولت احول على تجارة سوهاج على الاقل اكون مع صاحبى عيسى رفعت وطبعا قولت لازم اخد اصحابى ايمن مهران ومصطفى هلالى معاىا اقنعت الاستاذ مهران ان يخلى ايمن يروح تجارة بس مصطفى قال لا هيخلية فى اداب المنيا بس للاسف ايمن راح تجارة اسيوط المهم دخلت تجارة سوهاج انتساب موجة مع الاخ عيسى وطبعا عيسى مكننش بيفتح كتاب وانا هات يا دش المهم اول سنة مقبول تانى سنة مقبول الثالثة جيد ابا روحت محول على انتظام قعدت ثالثة ورابعة وتخرجت بتقدير مقبول بنسبة 63.8 مع العلم ان عمرى ما جبت مادة واحدة لا ضعيف ولا ضعيف جدا ولا حتى امتياز وتخرجت على خير والى اللقاء فى رحلة ما بعد التخرج
السلام عليكم
فرح أبى عندما أتممت السادسة فقد كنت الابن الأول له وثمرة فؤادة التى تمناها من هذه الدنيا فما لبث أن أتممت السادسة واذا به مسرعا يذهب الى الاستاذ حسن الطويل بارك الله فى عمرة وعافيته وطلب منه تسجيلى فى اولى المراحل التعليمية وهى الابتدائية وكانت الناظرة اسمها ليزة مسيحية وما أنا الا طفل صغير لا يعرف عن التعليم الا الخروج من المنزل والذهاب الى المدرسة مع الجيران للعب والمرح وقد مضت اول سنه دراسية بدون ما اتذكر شىء الا والاستاذ على احمد عبد اللطيف العمدة يعلمنا كيفية الاستنجاء والوضواء فى المصلية والتى كانت فى المدرسة القديمة وسط الزهور والورود التى كانت والشيخ جمال أمين من يحفظنا القران وذهبت الى العام الثانى من الدراسة ولم اكن اعرف شىء فكان هناك عجز فى المقاعد والبنية التحتية للمدرسة وكانوا يسألو التلميذ عن مهنة ابوه من كان لابيه مهنه كويسة يقوموا خبطينو بمبلغ وقدرة علشان يشتروا مقاعد المهم انا مكنتش اعرف لابوية مهنه فى ذلك الوقت ولا اعرف ما هى المهنه اصلا فاذا بتلميذ بجوارى قال ان ابوه ميكانيكى فانا قولت وانا ابويا بيعمل ميكانيكيا فقاموا قال المدرس وكان من ملوى طبعا اجيب تختتين شوفتوا الخيبة المهم ويا له من عام مثلة مثل العام الاول الا انه هناك امتحان اخر العام ويالها من خيبة امل قررت الذهاب الى القاهرة بصحبة عمى اسماعيل حيث انه مقيم هناك ويالها من فرحة لطفل يذهب الى مصر قاهرة المعز وقد كان وعندما عدة من القاهرة فاذا بالدراسة تبدا فذهبت مسرعا الى الفصل الدراسى الجديد الثالث فاذا بخالتى ام محمود مهران ام صاحبى ايمن طبعا تقول يواد يا ابن ماهر انت ده مش فصلك انت لسه فى الصف التانى قولت ليه انا خلصت قالت انت يا حبيبى سقطت فى الامتحان عشان مجتهوش وقولت كويس احسن برضه على الاقل هكون فى نفس الصف مع جيرانى ربيعى عمر ووليد صابر ورضا عبد الفضيل وغيرهم كتير وذهبت فى مراحل التعليم طبعا لا يخفى على احد كنت ملطشة المدرسة فكنت تخين لا اعرف اللعب ولا حتى اعرف المذاكرة تقدروا تقولوا كدة كنت خميرة جدا وفى المرحلة الرابعة من الابتدائى قولت اروح عند الاستاذ حسن اخد درس يا عم احسن رحت طبعا وهات يا ضرب فيه يا معلم كنت اكثر واحد ينضرب منه وكان بيقول ان ابويه قيلة انه يموتنى طبعا كنت يوم اروح وعشرة اهرب اجى عند البيت كدة البحرى اول وخلف البيت كان فى مكان الشباب عملينة ملعب كنت اقعد فيه لغاية ما الزملاء يطلعوا اقوم اروح وفى المدرسة يجى طبعا الاستاذ مهران والاقى كل الفصل بياخد فلوس منه علشان بيحلوا فى الحساب صح وانا اخد تهذيق وطبعا كل شوية يقولى ياد يا ابن ماهر تعاله قابلنى لو فلحت لانى كنت صاحب محمود مهران بنروح الكتاب مع بعض عند الشيخ عابد كنا بناخد كتاب فى المسجد القبلى الحمايدة وساعات فى المدرسة بردو المهم رحت على الصف الخامس وما ادراك ما الصف الخامس فى قصة اسمها عقلة الاصبع وطبعا فى العربى كان مين بقى بيدرسلنا الاستاذ مصطفى عبد العظيم وما ادارك الاستاذ مصطفى هات يضرب وتلطيش والاستاذ مهران يجى يحوش وده بقى قال قوم يواد يا ابن ماهر اقرى قولت ما انا بقارىء طبعا مش عارف اقرأ فقام قال امسك يا بكر ماهر ويا اسامة سمير ويعدال صبحى ومش عارف مين تانى المهم وحلف ميت يمين انه يحدفنى من الشباك وانا اعيط وهو يقول اما تقرأ او من الشباك وانا مش عارف اقرأ خالص وهات ياضرب وانا هات يا عياط وكانت المصيبة اروح البيت طبعا عملها على نفسى طبعا نجحت فى الابتدائى كيف معرفش رحت بقى الاعدادية وطبعا انا زى ما انا معرفش حاجة فى اى حاجة وطبعا اتقابلت بالانجليزى طبعا انا معرفش عربى هعرف انجليزى وطبعا الكارثة مين بقى كانت مدرسة الانجليزى الاستاذه محاسن رياض زوجة الاستاذ محمد كامل طبعا عرفانى علشان عمى ياسين واخد اختها ويا عينى كل شوية تروح تقول اخبارى طبعا الزبالة الى عمى وبالتالى الى ابويه وعينك متشوف الا النور هات يا ضرب عدت السنة دى كمان اروح الاقى فى السنة الثانية عمنا الاستاذ جمال شفيق ويا له من شفيق ده مفيش تفاهم ده طبعا مكنش يعدى يوم الا واضرب على الكريمة طبعا ومدرس الانجليزى اشرف ومحسن رياضيات وحسنى ايضا ومنى علوم ومنى دى فى موقف حصل بس فى تانية التانية المهم طبعا كام مقرى فين اخد واحد فى الفصل انا ووليد وربيعيى وطبعا الجماعة الشطار مين بقى الحيتان خد عندك اسامة سمير حسانين و بكر ماهر و عدال صبحى و اشرف عمر بس كان خايب شوية و ايمن سنوسى وده مرضيش يدخل ثانوى عام و محمود مهران بس خاب بعد كدة وده كل شوية كان يكون فى مدرسة شكل مش عارف ليه كان بيتغير وطبعا اكيد اسامة سمير يتذكر اكثر منى المهم يا رجالة طبعا الجماعة الشطار دول كانوا زى ما يكونوا عبارة عن علماء وقادة لا يمكن الاقتراب منهم او التصوير قيد انملة وطبعا احنا بالنسبالهم زى الكراسى المكسورة اخر الفصل لا حس ولا خبر المهم جبت ملحق فى المواد الاجتماعية طبعا علشان العبط بتاع ابو شفيق رحت الامتحان وكان بيغششو طبعا وانا مش عارف اغش ومش عارف اكتب فكانت النتيجة الرسوب طبعا روحت على ثانية لثانى مرة قولت لا كفاية كدة لازم اذاكر واتعلم شوية طبعا جة نصيبى فى فصل البنات كان معانا مين ايمن مهران واسامة عبد الحميد وسيد وصفى كان زيى كدة بليد وغيرهم المهم احدى عشر طالبا والباقى بنات ويا سلام لما جمال شفيق ولا اشرف عنتر كانوا بيسالوا ومجوبش يخلوا البنات يمسكونى وهات يا عبط طبعا منتهى الاهانة المهم قررت ان اتعلم المذاكرة روحت بقى لازق فى مين ايمن مهران ومصطفى هلالى وعيسى رفعت بس الشيخ عيسى كان فاشل شوية بس كان متفوق واتعلمت منهم المذاكرة والقراية طبعا وكنت لاولد مرة ارفع ايدى واجاوب على سؤال علوم للاستاذة منى فقالت يا سلام اخيرا ابو الهول نطق ودى كانت الانطلاقة نحو المذاكرة وهناك اصل كمان لهذه الانطلاقة لما سقطت طبعا كنت بمشى مع الدفعة بتعتى القديمة لان الدفعة التانية كانوا شكلهم عيال فمرة كنت ماشى مع رضا عبد الفضيل ومحمد عرفان واحمد فاروق فقام احمد فاروق قال ايه انت يا احمد المفروض متمشيش معانا لانك بليد وساقط وروح اجرى امش مع العيال اللى زيك طبعا اتخناقنا وقلت له اخر يوم همشى معاك فيه وسوف ترى من سوف يكون افضل من من ومن هذه اللحظة لم اجلس معه ولم امشى معه ابدا المهم دخلنا الصف الثالث وطبعا دى شهادة المهم كنت بذاكر 48 ساعة فى 24 ساعة وكنت واكل نفسى طيعا الاخ ايمن وعيسى ساعدونى كتير جدا وطبعا لا انسى ابدا الاستاذ عامر حافظ ساعدنى كتير جدا فى الانجليزى فكونت معه صداقة فى هذه الفترة وطبعا كنت زى ظلة لا يفارقة لا فى بيت ولا غيط وممكن الاخ محمد يتذكر هذا طبعا عامر كان لسة فى اولى كلية الاداب قسم انجليزى المهم نجحت فى الاعدادية وجبت مجموع 190 من 280 على ما اذكر يعنى قولت على الثانوى العام على طول ابويه يقول يا ولدى دى تقيلة وجيرانى طبعا دبلومات يقولوا تعالى معانا مش هتقدر وانا اقول ابدا ثانوى يعنى ثانوى رحت الثانوى كان مين معانا بقى فى الثانوية الجديدة التجريبية كان انا وايمن مهران ومحمود عمر واسماعيل عبد الباسط وثابت و بس بعد كدة حول و وحيد وعيسى ودول كانوا بتوع مشاكل وعصام عبد العال محمود دياب والمدرسة التانية كان مصطفى هلالى ده على ما اتذكر المهم رحت الثانوية وعينك متشوف الا النور مواد صعب تتشال مش تتقرى او تتذاكر وبتوفيق الله ومنته وبمذاكرة 76 ساعة فى اليوم عدت اول سنة وطبعا اتذكر ان اتخانقت مع مدرس انجليزى فى السنة دى وضربته المهم واحنا رحين تانية طبعا كنت خايف من عقدة تانية دى طبعا تانية ابتدائى مشكلة وبعديت تانية اعدادى ودلوقت ثانية ثانوى بس ربك كرم بموضوع التحسين قولت كويس كدة الواحد ضمن هيعدى المهم كنت بذاكر كتير جدا وبمساعدة الاستاذ عامر حافظ وتشجيع الاستاذ ضاحى حامد ومصطفى رياض ومحمد زكريا وطبعا كل ما امسك واحد اهرية اسالة لغاية ما عديت مع العلم انا لم اخذ درس اطلاقا مطلاقا فى الثانوى وعدت الدراسة ونجحت وطبعا كنت بعدى فى الانجليزى بالعافية يعنى كنت بجيب 10 من 25 درجة النجاح بالعافية المهم اخذن الشهادة الثانوية بنسبة 67.8 ودى طبعا كويسة بالنسبة لى جدا وقدمت فى التنسيق جالى اداب المنيا انتساب قولت اخرتها اكون مدرس لا يا عم على تجارة على طول سمعت ان تجارة اسيوط صعبة قولت احول على تجارة سوهاج على الاقل اكون مع صاحبى عيسى رفعت وطبعا قولت لازم اخد اصحابى ايمن مهران ومصطفى هلالى معاىا اقنعت الاستاذ مهران ان يخلى ايمن يروح تجارة بس مصطفى قال لا هيخلية فى اداب المنيا بس للاسف ايمن راح تجارة اسيوط المهم دخلت تجارة سوهاج انتساب موجة مع الاخ عيسى وطبعا عيسى مكننش بيفتح كتاب وانا هات يا دش المهم اول سنة مقبول تانى سنة مقبول الثالثة جيد ابا روحت محول على انتظام قعدت ثالثة ورابعة وتخرجت بتقدير مقبول بنسبة 63.8 مع العلم ان عمرى ما جبت مادة واحدة لا ضعيف ولا ضعيف جدا ولا حتى امتياز وتخرجت على خير والى اللقاء فى رحلة ما بعد التخرج
السلام عليكم
