اسماء اعضاء على قائمة الانتظار

على فكرة ياريت كل الاعضاء الجدد يكونوا فاهمين ان دا مش تعسف او تصعيب للامور بقدر ماهو حد ادنى للحماية ودا حق مشروع لان صوابعك مش زى بعضيها وبكل بساطة لو عايز تشترك ف منتدانا سجل باسمك الثلاثى واعتقد دا شيء عادى ومش صعب بالعكس كل منا يتشرف باسمه واهله سباعيا مش ثلاثيا بس واتفق مع ابو عمر ومحمد على رفض التسجيل للاعضاء الجدد المذكورين أعلاه لانهم اسمين غير معروفين لى وجزاكم الله خيرا وادام علينا نعمة الحب والتأخى والاحترام المتبادل.

بارك الله فيك يا أستاذ محمود...
وأنا مع زملائى الأفاضل فى كل ما قالوه...
وجزاكم الله خيراً...

ياريت يكون الدخول بالاسم الثلاثى ...واخواننا الافاضل تفضلوا بذكر السبب

جيد جدا ان نكون متعارفين حتي نعلم علي الاقل من نحدثه والطريقة التي يجب ان يعامل بها لانه ببساطه من الممكن ان يكون العضو الجديد قد تعدي ال50سنه مثل مهندس ابو زيد فلا يجوز باي حال من الاحوال ان اناديه باسمه
انا معكم اصدقائي في رفض دخولهم لكن ارجو ان تكون رسالة الرفض لانه لم يذكر اسمه المعروف به لدي اعضاء المنتدي لعله يعود ويسجل البيانات الصحيحة وليعلم اننا نحب ان يكون معنا وهو الذي لا يريد ذلك بعدم ذكر اسمه صحيحا

وانا معاك يامحمد فى الحكاية دى المفروض ان المنتدى ده عشان التعارف بين ابناء القرية وتبادلهم للأفكار ومالهاش اى لازمة الاسماء المستعارة الا اذا كان هدفها الاساء لباقى الاعضاء وهذا مانرفضه ...فنطلب من جميع الاعضاء الكرام والمشتركين بأسماء مستعارة او غير معروفة تعريف انفسهم لباقى الاعضاء ولعلنا نكسب اصدقاء جدد من بلدتنا الغالية ...اللهم الف بين قلوبنا انك انت ارحم الراحمين يارب العالمين

يوجد اسماء جديدة على الموضوع الرئيسي أعلى

انا بفضل اني ميدخلوش وكفاية احنا كدة لاني مفيش ولا واحد معروف فيهم

وشكرآ

السلام عليكم ورحة الله وبركاتة

كيف حالك يا استاذ محمود طبعآ انا مشترك جديد في منتدي قريتنا الغالية
واحب اعرف نفسي

الاسم / احمد حامد زيدان
السن / 25

وشكرآ

مصطفي سيد

11 يوليو 2011

مصطفي سيد خميس

11 يوليو 2011

أهلاً وسهلاً بالأستاذ أحمد ربنا يبارك فيك وفى كل شباب البلد..
وشكراً جزيلاً يا أستاذ محمود...
وبالنسبة حضرتك للأسماء اللى أضفتها فى القائمة أنا شايف إن فيها أسماء قد تكون معروفة ،فلو سُمح له بالدخول أولاً ما دام الاسم معروف وبعد ذلك نطلب منه تعريف نفسه لنا ، فإن وافق على هذا الشرط فمرحباً به وأهلاً ، وإن لم يوافق على هذا الشرط نعتذر له عن الاستمرار فى هذا المنتدى بناء على قوانين المنتدى...
وهذا مجرد رأى شخصى...

حدد يا استاذ على الاسماء المطلوبة وبتكون مسؤوليتك وتدخل المنتدى على ضمانتك
تم نشر اسماء المشرفين وتليفوناتهم على شريط الاخبار الصور على من يريد اضافة اي تعديل يبعت لي على الخاص

بصراحة يا أستاذ محمود أنا معرفش حد فيهم لأن أنا عارف ناس كتير فى بلدنا بس معرفش أسماءهم وبقابل ناس هنا من البلد ومش عما أعرفها غير لما حد يقولى...
حتى الأستاذ أحمد حامد زيدان أنا لسه قاعد أفكر وبقول يا ترى ده ميييين...بالرغم من أن أى حد فى سنه المفروض أكون عارفه لأنه دفعتى...

ههههههه
يا راجل
في حد ميعرفنيش شكرآ على اسلوبك المحترم يا ابو سمير

شكرآ جزيلآ وعلى فكرة انا شيعت رساله للاستاذ محمود عبد الطيف طلبت فية الغاء حسابي من المنتدي وبارك الله فيك يا استاذ محمد

بصراحة يا حج محمد أنا مستغرب جداً ازاى معرفش واحد فى دفعتى أوأكبر منى بحاجة بسيطة ويجيد استخدام الانترنت...
وطبعاً أنت لو سألت الأستاذ على حسن أنا قلتله ايه بخصوص أحمد زيدان اللى ظهر بعد ما تم حذف العضو سيد وكأنه أخذ دوره ..
بل أسلوبه فى التعليق قريب جداً من أسلوب سيد وإن كان حذراً فى كلامه عن الآخر...
ومتنساش أن سيد زعل جداً لما أنت علقت على أحمد زيدان قبل كده مما يدل على معرفته التامة لهذا الشخص أو أنهما وجهان لعملة واحدة...
طبعاً مع احترامى لشخص الأستاذ أحمد زيدان ...

يا حج محمد أنا عارف الكلام ده من انبارح من ساعة ما لقيت أحمد زيدان موجود بالمنتد الصبح وقلت الكلام ده للأستاذ على ،لكن طبعاً ما كانش ينفع أوجهله الكلام لأنه كان مجرد ظن...