رحيل الطاغية مبارك

[center]بسم الله الرحمن الرحيم
إخوانى وأخواتى فى
منتدى قرية الشيخ حسين
السلام عليكم ورحمة الله وبركاته

أقول
اشهد ياتاريخ على عظمة الشعب المصرى
اشهد ياتاريخ وسطر أجمل السطور وأروعها على الاطلاق
اشهد ياتاريخ على نهاية الطاغية مبارك
اشهد ياتاريخ على شباب مصر العظيم
اشهد وسجل
أن يوم الجمعه الموافق 11/2/2011 هو أعظم يوم فى تاريخ مصر
اشهد على أن الظلم قد انتهى
اشهد على أن الاستعباد قد انتهى
اشهد على أن التاريخ يقف عاجزا أمام هذا المشهد
خلاص يامبارك انتهى الوقت
قالها لك الشعب ولم تستمع اليهم
قالوا لك
game over moubarak
ياجمال قول لأبوك كل الناس بيكرهوك
الشعب يريد اسقاط النظام
انتهى الخداع
انتهى عصر الاستبداد
انتهى الذل
انتهت المهانة
انتهى عصر الديكتاتورية
وقف الشعب عن بكرة أبيه ليقول لك
ارحل
[size=18]أقولها لك
ارحل يامبارك غير مأسوف عليك
ارحل يامبارك ياأس الفساد
ارحل يامبارك فقد جاءت مبادرتك وتحركاتك متأخرة للغايه
يامبارك
هو انت لسه عارف انك شخص عير مرغوب فيه؟
هو انت لسه عارف ان أحمد عز ده حرامى؟
هو انت لسه عارف ان حبيب العادلى شخص انتهازى؟
هو انت لسه عارف ان أحمد نظيف مش من الشعب؟
هو انت لسه عارف ان انتخابات الرئاسة فى 2005 كانت ديكتاتورية؟
هو انت لسه عارف ان انتخابات مجلس الشعب كانت مزورة؟
هو انت لسه عارف ان رغيف العيش مش كويس؟
هو انت لسه عارف ان فيه بطالة كتيرة فى البلد؟
هو انت لسه فاكر ان الشعب المصرى زى زمان بيخاف؟
ياإخوانى وأخواتى
انتخابات مجلس الشعب من شهرين بالظبط كانت انتخابات حرة ونزيهة فى نظر مبارك وأحمد فتحى سرور
ودلوقتى بقت انتخابات مزورة
ازاى عايز تضحك على عقولنا بهذه الطريقة
هو انت لسه عارف ان فيه مادة فى الدستور اسمها نائب رئيس؟
كان فين المنصب ده من اسبوعين؟
الناس اللى بتصلى فى الميدان جنود الامن المركزى بيرش عليهم المياه
أقسم بالله حرام
سيارات الامن الأمن المركزى بتخبط فى الشباب وتدوس عليهم والله حرام
اطلاق رصاص حى على المتظاهرين حرام
اطلاق قنابل المولتوف حرام

التليفزيون المصرى الخائن بيجيب فى عز المظاهرات واللى بيحصل
جايبين نهر النيل
ههههههههههه
هو الشعب هيتظاهر فى نهر النيل
ايه الاستخفاف بالعقول ده
الجبناء والمرتشين والخونة والمنافقين اللى بيقولوا نعم لمبارك
قبضتوا كام
وعدوكم بايه
سيسجل التاريخ أروع السطور الجمعه 11/2/2011 على أفضل ماقاله المصريون
سيسجل التاريخ وسنشهد علي ماسيقوله يامبارك
قال التاريخ كلمته وفى النهاية أقول لك
قلنا لك ارحل وسنسامحك
ولم تستمع لصوت العقل
والان
لن نسامحك
وأنا شخصيا سأقتص منك يوم القيامة ان شاء الله
كل هؤلاء فى رقبتك

ارحل يامبارك غير مأسوف عليك
فالأرض كل الارض ساخطة عليك[/size

واليكم البيان

الى الجحيم يا مبارك على فكرة يا شباب مبارح فى دبى الان عنده فيلا فى مدينة النخلة بدبى

يُقال انه في شرم الشيخ عنده فيلا كمان هناك

هههههههههه

يقال أنه مكانش عنده دم
ارحل غير مأسوف عليك
بجد ياجماعة لو كنتوا شفتوا المنظر الحقيقى للثورة كنتوا حسيتوا بقيمة مصر أكتر أنا شخصيا كان ليا الشرف انى أحضر فيها
والحمد لله هفضل أفتخر بكده طول عمرى لأن ده شرف كبير جدا ليا

شفناه يا سمسم وحسينا بيه وكنا اكثر قلقا من الموجودين في الميدان

اسامه الزيادى كتب:يقال أنه مكانش عنده دم
ارحل غير مأسوف عليك
بجد ياجماعة لو كنتوا شفتوا المنظر الحقيقى للثورة كنتوا حسيتوا بقيمة مصر أكتر أنا شخصيا كان ليا الشرف انى أحضر فيها
والحمد لله هفضل أفتخر بكده طول عمرى لأن ده شرف كبير جدا ليا

مشكور ياعم المناضل

ده شرف ليا ياحمبوزو
انى كنت هناك
وأعتقد انكم كنتوا تتمنوا تكونوا هناك
صح ولالا؟

ايوة كنا نتمنى طبعا نكون هناك ..بس متحطش ايدك على ودنك بصورتك دي وتقعد تتنطط كتير علينا

ياخوفى لحسن تكون انت احد افراد موقعة الجمل ولما الامور اتقلبت سبت الجمل ورحت الميدان ههههههههه


اخنا كلنا كنا فى الميدان بالقلوب والدعاء

والله وعملوها الوحوش (باستثناء اسامه)
ياريتنى كنت معاهم