معقولة ؟ أبي له مشاركات في هذا المنتدى !!!!!!!!!!!!!

للذين لا يشاركون في المنتدى أو يشاركون قليلاً . لقد خطرت ببالي فكرة تمنيت حدوثها . طبعاً تعلمون جميعاأن هذا المنتدى هو موقع على شبكة الانترنت, وسيبقى موجوداً على الدوام . ومن هذا المنطلق تعالوا نتخيل أن كل عضو في المنتدى تزوج وانجب ومرت عليه السنين وكبر ابنه أو ابنته ليتصفحا مكانه هذا المنتدى ألن تكن لحظة ممتعة لهؤلاء الابناء ان يتعرفوا على اسلوب ابائهم وطريقة تفكيرهم وتعليقاتهم على الموضوعات المختلفة في المنتدى ؟ نعم ستكون هكذا . لأن ما ستكتبه اليوم سيكون امام ابنك في المستقبل ليفتخر بابيه وبموضوعاته وكتاباته
تعالوا نفكر في الموضوع من الزاوية الاخري انا واحد من الناس والدي رحمه الله توفى وانا صغير جدا في سنة رابعة ابتدائي اتخيلو معايا لو ابويا كان مشارك في منتدى زي ده وقعدت انا اقرأ تعليقاته دلوقت يااااااااه كنت ساستمتع كثيرا وليت الامر كان حقيقيا
اذاً اكتب وشارك في المنتدى وكن حذرا في اختيار موضوعاتك وتعليقاتك لأنه سيأتي يوما سواء في حياتك أو بعد قضاء الأجل ليستمتع ابنائك بوجودك معهم من خلال مشاركاتك في المنتدى وحينها سيعلمون كيف كنت تفكر وما هو اسلوبك وطريقة ردك على الاخرين
بس في مشكلة يا محمود عمر دلوقت ابني هيغايظ ابنك ويقولو روح دانت ابوك كان اسمو حمبوزو وكمان لاوي بوزو وقولي ايه رأيك في الفكرة

بجد يامحمد فكرتك جميلة جدا وشيقة وفعلا موضوع يستحق القراءة
تسلم ايدك ياريسنا على الموضوع ده

شكرا يا سمسم ان ال تسلم ايدك انا بجد معجب بنشاطك ومشاركاتك الدائمة ربنا يوفقك

فكرة روعة والله يابو حافظ بس ده انت كمان خليتنى افكر فى حاجات كتيرة بسبب مةضوع حمبوزو ده اولها ان ابعد ابنى عن ابنك عشان مايعيروش
يانهار ابيض ده الواد هياخد تريقات للصبح و يمكن يتمرد عليا ويقول لن اعيش ف جلباب حمبوزو ...بس اعتقد انه يمكن هيفتخر شوية بأبوه عشان كان بيكتب مواضيع بعضها بيعجب الناس

تسلم يابوحافظ دماغك النضيفة دى

ههههههههه
بعض المواضيع التى تعجب الناس
يانهار ابيض
ياحمبوزو ده انا كنت بدور على موضوعاتك انت بالذات علان أقراها
تسلموا جميعا على مشاكاتكم الفعالة

ههههههههههههههههه يخرب مطنك يا حمبوزو ؟ دم خفيف يا مضروب . قال يبعد ابنه قال ؟ مانا هحكي لابني كل حاجة وخليه يدور على ابنك عشان يغايظه

وبعدين ابنى انشاء الله هيكون واد واعى ومدقدق ويعرف ان حمبوزو ده طيش شباب وبدل مايدافع عنى هيعاير ابنك ويقوبه يالى ابوك اشترك وخرى قوى و اخليه يذله ف المنتدى

متزلناش ادينا اشتركنا يا عم الطايش وبعدين الحق نفسك بدل طيش الشباب ده ميفضل معاك لمرحلة الشيخوخة وخلي بالك كدة انت ممكن تقطع اي نسب بيني وبينك لان ولادي مش هيقبلو يتجوزو من ولاد حمبوزو مع اني هفهمهم ان ده حبيبي محمود عمر بس انت ونصيبك لو اقتنعوا بقي

لع ياعم محمد طالما فيها نسب نغير حمبوزو ده ماحدش عالم جايز خلفتى لو ربنا رزقنى تطلع كلها بنات واحتاس بيهم وعصفورا ف اليد خيرا من عشرة ع الشجرة

بس المصيبة لو طلعت خلفتنا احنا الاتنين بنات هيبقى مافيش عصافير ع الشجرة اساسا

متقلقوش يارجاله انا هحاول بقدر الامكان اقنع ولا دى بالموضوع ده
يعنى هحاول ابعدهم عن فكرة ان ابوهم اسمه حمبوزو
وكمان هحاول ابعدهم عن تاريخ اشتراك محمد حافظ فى المنتدى
وهاجى كمان على نفسى واخليهم يقعدوا فى العزبة واسمحلهم بكده بس يارب تقدروا التضحية دى
انتوا عارفين العزبة مابيقعدش فيها غير البشوات
بس يلا اعمل الخير وارميه لحمبوزو ومحمد
هههههههههههههه
اوعوا تزعلوا انا بهزر ده شرف ليا طبعا

ومين قلك يا اسامة ان انا وحمبوزو هنوافق على ولادك اصلا ههههههههههههه

ياعم تيجى العيال وبعدين نفكر هنغورهم فين

وبصرف النظر عن العزبة الواحد مايقدرش طبعا يتكلم عنالعزب بوجه عام ف الوقت دة بالتحديد

لكن ع العموم انا برفض سياسة التطبيع مع العزبة مرة اخرى ههههههههه
بس لو اسامه عاش ف ملوى يبقى للحديث بقية

ههههههه يا جبان يا حمبوزو بقي كدة بس أنا فاهمك ياريس هو انت تقدر تغلط في العزب في الوقت ده بالتحديد..يلا لو وريني تقدر ولا متقدرش؟؟؟
احنا بنعرف نهدي النفوس زيك برضه...ههههه

هاكدب يعنى اكيد .............

الاختلاف ف الراى لا يفسد للود قضيه

شكرا جزيلا

يااااااااااااااااااه
حمد لله على السلامة يايارا
انا عايز واحد يغلط فى العزبة علشان اوديه فى داهية وانتوا عارفين الباقى بقى
ههههههههههه
وبعدين يابو حافظ انت تطول تناسبنى
وانت ياحمبوزو انا مش هقعد فى ملوى انا قاعد فى العزبة عاجبك ولالا؟

شفت يا حمبوزو الواد قنيط كيف ؟ اياك تناسبه بكرة وبعده ؟ ومحدش غلط في العزبة ياعم متقولناش كلام ؟ بس متقدرش برضه تودينا في داهية متنساش ان حجرين يتحطوا في الشارع عندنا ميخلكمش تعرفوا تروحو ملوي ولا ايه يا حودة ؟؟؟؟؟؟

الله يسلمك

انت نسيت اننا دلوقت اغنياء ولا ايه يعنى نقدر نجيب طيارات ونطيرلا على ملوى
وممكن كمان نطلع على طوخ ونطلب حق اللجوء السياسى

ومين هيسمحلك تخترق المجال الجوي عندنا انا اتفقت انا وحمبوزو هنجيب نبل ونخلي العيال تحرجم على طيارات طوب توقعها مش انت قصدك طيارات ورق ولا اخرك ايه بالظبط ؟ هههههههههه

طيارات بتضرب نووى وكمان هنضرب الشيخ حسين وافجرها
بس اوعوا حد يبلغ الحاج كمال او يبلغ اوباما ان احنا عندنا نووى
وبعدين انت نسيت انى خطبت من الشيخ حسين يعنى خلاص
حق اللجوء السياسى مكفول ليا
واللى هيتكلم معايا هو عارف
هقلب البلد عاليها واطيها
مانا خلاص بقى ليا ضهر فى البلد

احنا كنا كويسين مع بعض ياسمسم وان كنا قبلنا نسبك وانا والعضو المحترم محمد حافظ ده من باب جبر الخواطر وان كنت عايزها حرب فلتكن هى الحرب حتى تردع وتعد لرشدك

لذا اصدرنا البيان التالي

اولا : غلق المعابر الغربية القبلية من ناحية العزبة وفرض حصار اقتصادى شامل مع مراعاة تقديم المساعدات الطبية للجرحى

ثانيا : ابرمنا اتفاقات دولية مع قرية طوخ تنص على التضامن الحربي بين الدولتين حيث تربطنا علاقات اقتصادية هائلة تقوم على تصدير الشاي والسكر والمأكولات من طعمية وكبدة من عند شعبان بالاضافة الى الخدمات السياحية التى تقدمها الشيخ حسين من مقاهى وغيره بالاضافة الى المعونات من فيز للامارات وخلافه
وهذا يضمن لنا استحالة موافقة قرية طوخ الشقيقة على اى اتفاق حول اللجوء السياسي لاى فرد من افراد العزبة مهما كانت صلته بأهل طوخ المناضلين بل انهم قرروا فرض حصار شامل من ناحية طوخ وتبقى العزبة حبيسة بين الدولتين الى ان ينتهى الامر بالاستسلام وانتهاء حالة التمرد ومن ثم ودفع الضرايب والخضوع التام لسياسة الشيخ حسين العليا والانسياق لقوانين الدولة

ثالثا: و تطبيقا لمبدا ان "جالك الطوفان حارب نسايبك " بالاتفاق مع الاستاذ الكريم محمود مراد تم رفض اى حق لجوء سياسي ...واى تنطيط من جانب المدعو اسامة الزيادى هياخد الدبلة بتاعته ويفارقنا.

رابعا : ه1ن المنتدى ملكا خالصا لاهالى الشيخ حسين وفى حالة اعلان الحرب سيتم تطبيق المادة رقم 123 لسنة 2010 والتى تنص على حذف الاعداء اقصد الاعضاء والمشرفين الذين ينتمون الى العزبة خوفا من قيامهم بأعمال التجسس ...



والى لقاء مع بيان اخر حول الاوضاع المتردية بين الطرفين فى ظل النزاع الدموى الذى اندلع فور تصريحات العدو سورى العضو المحترم اسامه الزيادى
وشكرا
هههههههههههههههههههههههههههههههه

ههههههههههههههههههههههههههههههههههههههههههههههههههههههههههههههههههههههههه

ردا على ماقام به الدو اقصد العضو حمبوزو لاوى بوزو
أصدرت الجمهورية العزبوية قرارها التالى
قام رئيس الجمهورية العزبوية السيد
محمد عبد المجيد زيادى بتأكيد أن الجمهورية العزبوية لن تستسلم وان كلامه محدد ولن يغير رأي\ه مهما كانت حالة الحرب
وأنه سيدافع عن وطنه حتى أخر جندى فى جمهوريته
وأنه فى حالة قيام دولة الشيخ حسين او دولة طوخ بفرض حظر التجول والمحاصرة فإننا سوف نقوم بالرد عمليا على الدولة المعادية وسنفجر المناطق الاستراتيجية في هذه الدولة مثل القناطر
والشارع الكبير
والنادى
وسوف نقوم بزرع متفجرات عند المدرسة
وعلى طريق المعصرة
وعلى طريق ملوى سوف تكون هناك قوات المدفعية
وعلى طريق سيسكو كمان
ويتم حصار الدولة لحين الاستسلام
او دفع الجزية وهى عبارة عن
فرض دفع عود قصب من كل عربية هتتشحن عند القنطرة
وفى حالة مخالفة القواعد سوف نقوم بالرد بالقنابل الذرية
وحرصا من دولتنا العظيمة على الاسرى سوف يتم معاملتهم لدينا بكل احترام
لحين اشعار خاص
ملقى بيان رئيس الجمهورية العزبوية نيابة عن الرئيس
محمد عبد المجيد زيادى
ابنه اسامه
والسلام عليكم ورحمة الله وبركاته

اه يا حج حمبوزو كدة هو زي مبيقولو دبور وزن على خراب عشه اديني الخطة بسرعة ارجوك محتاج الجرعة قصدي خطة الحرب على المتمرد زعيم تنظيم القاعدة في منطقة العزبة اسامة الزيادي

ردا على ما اسمته امبراطورية الشيخ حسين ببيان التخاريف والاعتباطات والذى ازاعه راديو مونت عزبة بلسان احد جماعة المتمردين بالعزبة
اصدرت الولاية البيان التالي :
لقد وصلنا بيانكم يابدو الشيح حسين ونحن فى قمة الدهشة حيث لم نكن نتوقع ان تأتيكم الجراءة و تعلنوا التمرد على الدولة التى منحتكم حق الاستيطان و كفلت لكم حرية الدين والعقيدة وممارسة انشطة الحياة من تعليم و تسوق و تعايش و جعلتكم جزءا لا يتجزا منها حتى امتزجتوا بنسلها واصبح لكم زوجات منا و اصيح لنا زوجات منكم واختلطت الانساب و تطبعتم بطباع شعبنا الكريم ونسيتم انكم جئتم من بقاغع مختلفة و اماكن متفرقة ولم بكن لم ديار حتى اصبح لكم ديار و حياة مثلكم مثل سادة الشيخ حسين حتى ظنتكم الدول الاخرى قطعة من ارضنا المباركة بالرغم انكم تحملون بطايق دبرمواس...


اما بعد

اعلموا ان ضروس الحرب سوف تطحنكم و معاول جنودنا سوف تقلعكم من جذور الارض مثلما يقتلع الفلاح البور حتى يتدفأ بها فى الشتاء ...

وتقولون عبطا انكم سوف تفجرون وسوف تقتلون وسوف ...
ومن سيسمح لكم بالخروج من نطاق العزبة بعدما احكم جنودناالبواسل قبضتهم الان عليها وليس لديكم خيار ولا بطيخ سوى التسليم والا يتمنا اطفالكم ورملنا نسأكم وجعلناكم عبرة للعزب الاخرى والزرابي ....




بيان من فيلم صلاح الدين ههههه
افصد من محمود الدين

يا حودة متنساش ان في مدنيين ملهمش ذنب احنا نعتقل أسامة ونقلعله ضوافره ونطفي اعقاب السجاير في لسانه ال عايز قطعه ده ههههههه

عندك حق يامحمد عشان كده جيوسنا خدت اوامر بعدم التعرض للمدنيين ... رغم ان المدنيين ع العسكريين مايجوش جمساشر نفر


وبالنسبة لاسامة فاساليب التعذيب الى انت ذكرتها سوري يعنى بلدى وقديمة انا عندلى اخبار ان اول الجنود ماهتقبض عليه فى مخبأه قصدى النقرة الى مدسي فيها هيبداو عمليات التعذيب ببزغ قشر البرتقان السفندى ف غينه عشان يتعظ ويعرف ان الله حق ويسلم مفاتيح بغداد قصدى العزبة

انا شايف ان هو بدأ يتخفى ومبيردش اظاهر ان هو حس بغلطته ياترى هتقبل اعتذاره ولا لا ؟

انسحاب العزبة و تسليم المدعو اسامه الزيادى !!!

وانتهاء حالة التمرد


نقلا عن جريدة المساء


و على فكرة بكرة ان شاء الله ان جه اى بيان وانا ملردتش عليه مش معناه انسحابى من المعركة

لاننى لن اتواجد على المنتدى غدا والبركة ف ابو حافظ يرد مش يشعللها ويمشي

ليه مش هتتواجد بكرة ياريس رايح فين بطل ال فيك ده ؟

ردا على المدعو حمبوزو
جنودكم الذين تفتخر بهم الان فى المعتقل الخاص بالاسرى اقصد الدوار
وانا لست مختبئا
بل كنت فى طليعة المدافعين عن وطننا
وارسل اليكم بهذه الرسالة مع رسلنا الذين بعثتهم اليكم
وهم فى الطريق اليكم الان
اظن انهم وصلوا مجراية جمعة الان
الحل الوحيد حتى تنتهى هذه الحرب
1/ دفع الجزية وهى عبارة عن عود قصب عن كل عربية هتتشحن عند القنطرة كما ذكرنا فى بياننا العسكرى سالفا
2/ استسلام باقى جنودكم والاعتذار الرسمى من دولتكم
3/ عدمن التعر ض للمواطنين العزبويين حتى لاتشتعل الحرب مرة اخرى
4/ سوف يتم اغتصاب اراضيكم الزراعية فى حالة رجوعكم لهذا العمل مرة اخرى
وسوف يتم قطع التعامل معكم ومحاصرتكم اقتصاديا عن طريق حلفاؤنا البواسل فى باقى العزب
من ناحية عزبة عبد الحكيم
وعزبة سيسكو
وعزبة الاوقاف
هذا ردنا واستسلموا خيرا لكم

هي سيسكو عزبة يا نعسان انت وبعدين محمود مش فاضي النهاردة اسكت احسنلك بدل مييجي بكرة يجبلك ويحط على راسك انت عارف

لما القادة يتكلموا يبقى الجنود أمثالكم تسكت ياجندى

أنا جنود يا منشق يا متمرد يا انفصالي ..دانتا زعيم عصابة قائد ايه ده ؟؟

انا نائب رئيس دولة العزبة الصغرى
ولقد قمنا بالانفصال عن دولتكم المزعومة منذ عام 201 قبل الميلاد
أيام جدى الاكبر زيادى باشا الكبير
عندما قام بحملة ضدكم واسر منكم 45012 جندى من جنودكم
وقد قمتم بالاستسلام يومها
فى معركة مجراية جمعةاظن انك لاتذكرها ايها الجندى المنفصل

أه صح يا عمرو ده حتى عزبة الواد ده مش تبع قريتنا أنا سمعت إنه تبع طوخ ومن قال طوخ ثلاث مرات فقد ....
بس معلهش خليه أهو كمالة عدد هههههههههههه

انا كمالة عدد يامنفصل
ده انت اللى كمالة عدد فى المنتدى
وبغض النظر يادكتور عمرو عن كلامك ده انا بحبك برضه بس بصراحة
حلو العلم بتاع الشيخ حسين ده
ماتشوف كدة واعملنا علم عليه العزبة
وحط الشعار عليه صورتى وانا بأسر 30 جندى من جنودكم المنفصلين
والعدو اقصد العضو حمبوزو راح فين
انا هروح اسأل عليه ممكن يكون جنودى اسروه ولا حاجة

فعلا تم أسر الجندى العدو أقصد العضو حمبوزو وجارى استجوابه الان

اسامه الزيادى كتب:انا نائب رئيس دولة العزبة الصغرى
ولقد قمنا بالانفصال عن دولتكم المزعومة منذ عام 201 قبل الميلاد
أيام جدى الاكبر زيادى باشا الكبير
عندما قام بحملة ضدكم واسر منكم 45012 جندى من جنودكم
وقد قمتم بالاستسلام يومها
فى معركة مجراية جمعةاظن انك لاتذكرها ايها الجندى المنفصل

ابقى اتغطى كويس وانت نايم عشان مايجيلكش كوابيس

كوابيس ايه يامنفصل يانشقاقى ياجندى ماركسى

احتباس الانفاس فى منطقة العزبة المحتلة ... الضحايا بالالاف وزويهم يصبون جام غضبهم على المتمرد اسامه




ازاعت قناة اس اش بالشيخ حسين خبر تزايد اعداد القتلى والجرحى بجيش العزبة المتمرد وتوافدت القنوات الاخبارية على جزيرة العزبة لنقل حالة االزعر التى انتابت المواطنين فور اعلان دولة الشيخ حسين الحرب على جبهة التمرد بقيادة المدعو اسامه بن لادن اقصد اسامه الزيادى ...

وافاد مصدر مسئول من الشيخ حسين ان كتيبة " والله لنمرمشكم " المتمركزة فوق مدرسة الشيخ حسين قد ااطلقت العديد من الصواريخ و القنابل النووية على الجمعية الزراعية بالعزبة والمحتشد بداخلها جبهة التمرد و نجحت الغارات المنظمة فى تسوية وكر المتمردين بالارض ...

وقد نقلت القناة حالة الزعر التى انتابت المواطنين الذين فقدوا زويهم فى هذة الحرب المشءومة وصب اهالى العزبة جام غضبهم على المدعو اسامه الذى ورطهم فى حرب

خاسرة ...

والسؤال الان ماذا بعد الدمار الذى حل بالعزبة ؟؟ وان كان اسامه الزيادى على قيد الحياه فما هى العقوبة المتوقعة؟؟

اسئلة واستفسارات نجيب عليها فى الساعات القليلة المقبلة


حمبوزو الصحاف من تليفزيون اس اش

الا تعلم ايها المنشق أنه يوجد أنفاق تحت الارض بخمسين كيلو تخرج من تحت الجمعية الزراعية الى الشيخ حسين
مرورا بمجراية جمعة وباقى المناطق وصولا الى المدرسة وبعد ذلك تصل لمركز قوتكم المتمثلة فى المناطق الحيوية والاستراتيجيه فى دولتكم
مثل
القنطرة
وقهوة الاستاذ عبد الله عبد البديع
يعنى قدام بيتكم ايها المنشق
وكمان فى الزرابى
كمنطقة استراتيجية لها مكانتها عندكم وان كنتم لاتعترفون بها
وغير كده عند جامع العمدة
وعند عدال صبحى
وتتم الان عمليات تمشيط فى المنطقة كلها
بحثا عن باقى اسراكم
ولقد وجهنا تعليمات لجنودنا
بعدم المساس بالمناطق الاتية حفظا لجميل بعض الناس فى البلد
منزل الشيخ عابد
منزل العمدة وشيخ البلد والاستاذ جمال
علشان منجبش مشاكل لنفسنا
وكمان منزل الاستاذ حسن الطويل
وبعض المنازل الاخرى
كما لايتم المساس بتاتا بالمساجد
ومعاملة النساء والاطفال والشيوخ معاملة حسنة
هذا بياننا وننتظر ردكم

وبيتنا يا واطي

اول بيت هيتفجر بيتكم انت والمدعو حمبوزو
بس هنخلى كل اللى في البيتين يخرجوا وبعدين هنفجر البيت لما تكون فيه انت وحمبوزو
لو دفعتوا الجزية هسيبكم

ياعم روح تفجير ايه الى انت بتتكلم عليه انت اخرك تقف على رجليك من غير ماتقع



كل شويه هافجر هافجر ... شكلك هتجيب عربية قصدى كارتة وتفخخها...

ههههههههههههههههه
طيب بص وراك كده
اراهنك انك مرعوب دلوقت انت وابو حافظ

الكتاكيت نامت من بدري ياسامة صاحي ليه انت روح نام