فوز أشرف عشيري وعمر الكاشف مرشحي الحزب الوطني حسبما جاء باليوم السابع

نشرت جريدة اليوم السابع نتيجة الانتخابات عن دائرة بندر ملوي وجاء الخبر تحت عنوان مؤشرات على اعادة الانتخابات ببندر المنيا بين الدكتور الكتاتنى مرشح الاخوان ومرشح الوطنى وفى نفس الخبر ايضا ذكرت اليوم السابع بأن نتيحة انتخابات دائرة ملوى تم اعلانها رسميا بفوز الاستاذ اشرف عشيرى للدورة الثانية على التوالي وفوز الاستاذ عمر الكاشف الخبر لفت انتباهي ونال دهشتي ليس بسبب فوز المرشحان الوطنيان حيث كان من المتوقع فوز احدهم على الاقل ولكن مالم يكن منوقعا هو سرعة اعلان النتيجة حيث اكاد اجزم ان الدائرة الوحيدة فى جمهورية مصر العربية التى ذكرت نتيجتها رسميا دون وضع كلمة مؤشرات اولية هى دائرتنا وما لفت نظري ايضا هو عدم وجود اى اعادة غى الدائرة رغم وجود منافسين اقوياء لهم وزنهم ...
سؤال بريء يعنى وماحدش يفهمنى غلظ وياريت الناس الى فى البلد وعاصروا الانتخابات الاجابة على السؤال

هل الانتخابات مرت هذة المرة بنزاهة؟

وسؤال للجميع هل فعلا كنتم تتمنو كلا المرشحين ؟ أو ع الاقل واحد منهم

جمد قلبلك وجاوب طاب مين المرشح الذى لم يحالفه الحظ وكنت تتمنى فوزه؟

وحتى لايظن البعض انى اريد توريطهم فأكون أول من يجيب

لو كنت بمصر لاعطيت صونى للاستاذ صابر عبد الحكيم المحامي مرشح الوطني و الاستاذ عمر الكاشف عمال

نقول كما قال سعد زغلول " مفيش فايدة"

والله يا سيد حمبوزو لا خير في هذا ولا ذاك..أما بالنسبة للانتخابات مرت بنزاهة فهذا بالطبع مستحيل عارف ليه لأن النزاهة اصلا اصبحت شئ مفقود في بلدنا لكن برضه مش عايزيين نوصل للناس ان دي نهاية الكون والشيخ اشرف ميقلش كلمة مفيش فايدة لأنه يا شيخ المفروض اننا لا نقنط من رحمة الله, هؤلاء وغيرهم يأتون ويذهبون كالهباء وربك يمهل ولا يهمل...اللهم اهلك الظالمين بالظالمين واخرجنا منهم سالمين

انا عن نفسى كنت هدى سنوده عرفينه شنوده ده اللى كل شويه يروح يقعد فى الدير ومكنتش حعطى صوتى لاى كلب من كلاب الوطنى الوسخين

اولا بالنسبة للإجابة بتاعت السؤال الاول انا كنت هدى صوتى للأستاذ صابر عبد االحكيم لأنه شخصية محترمة جدا وله شعبية كبيرة فى بلدنا وده شىء معروف وممكن بعد كده ادى صوتى لاى حد يعنى عمر الكاشف مثلا مش هتفرق معايا بس كان صابر عبد الحكيم هو اللى لازم اديله بس للأسف انا فى شرم الشيخ
ثانيا طبعا الانتخابات لم تتم بنزاهة بدليل تسويد البطاقات الانتخابية لصالح الحزب الوطنى المطاطى اسف الديموقراطى لأنه ده الطبيعى فى بلد انتهت فيها الديموقراطية وانتهت فيها كلمة الحق وخلاص بقى الظلم فيها شىء عادى بيحصل عينى عينك
انا عن نفسى هدى صوتى لنفسى بعد كده وهرشح نفسى فى الانتخابات الجاية مين هيدينى صوته

محدش فاهم حاجة في اي حاجة

لا اقصد القنوط من رحمة الله طبعا فالله يقول ( إن الله لايغير ما بقوم حتى يغيروا ما بأنفسهم ) ولكن طفح الكيل

'طبعاً الانتخابات لم تتم بنزاهه وانشاء الله سوف اذودكم قريبا ده ان امكن يأحد مقاطع الفيديو لاحدى الدوائر وجه بحري والذي يبين مدى التجاوزات التى يقوم بها حزب وداد داخل لجان الانتخابات


وعلى فكرة تم نشر النتيجة النهائية وهي كالتالي

الدائــرة التاسعة – ومقرها قسم شرطة ملــوى
أشرف حسين عشيري محمد فئات وطني 36159 فــــــــوز
عمر طه محمد عبد الرحمن الكاشف عامل وطني 35235 فــــــــوز

والاتنين مع احترامي الكامل لهما تم انتخابهما فى وقت سابق وظل الوضع كما هو عليه ولم يتغير شيء بل الوضع يزداد سوءاً

فأذا كانت النتيجة التى جاءت كما أظن عكس ارادة الشعب قد قدرت لهما التواجد فى المجلس مرة أخرى فندعو الله ان يهدي مرشحانا فى هذة المرة و يكونا عند حسن ظن الناس الى انتخبتهم وعند حسن حظنا أجمعين

قولوا أمين )

لقد يأسنا يأس الكفار من اصحاب القبور

اتمنى اني مكنش زعلتك يا شيخ أشرف وياسيدي الانسان لازم يفرح ان حد يقومه انت اكثر مني دراية ان " وما يلفظ من قول إلا لديه رقيب عتيد" وكمان " وقل لعبادي يقولو التي هي أحسن إن الشيطان ينزغ بينهم" ولكن ما قصدته هو أنه إن أصابك هم لا تقل يا رب عندي هم كبير ولكن قل يا هم عندي رب كبير..وفقك الله يا شيخ

أما الاستاذ حمبوزو فياريت تجبلنا الفيديو ده أنا خايف نكون بنرمي الناس بالباطل وياريت ميكنش شغل يوتيوب وكدةلانه ممكن يكون مزيف هننتظر منك حاجة موثوق في مصدرها وبحب اشكرك لأنك مساهم فعال وكلنا بنستفيد منك جدا..شكرا حمبوزو

أولا يا جماعة السلام عليكم ورحمة الله..أرجو قبول مشاركاتي معكم في الموضاعت المختلفة التي تثمروا منتدى قريتنا بها
وفيما يتعلق بالموضوع المطروح أرى أن الحديث عن النزاهة وغيرها شئ فات أوانه ولا جدوى منه فهؤلاء الذين يزورون مثلهم مثل اللص لن يضيره إن رايته يسرق . لكن رغم ذلك لا يجب أن نيأس بهذا الشكل لأن ذلك بدوره سيزيد من محنتنا إن كنا عاجزين اليوم عن التغيير فربما يأتي غدا بما هو أفضل
وأنت يا حج حمبوزو قلي منين هتجيب الفيديو ده يابني ابعد عن الشر وغنيله هههه أنا شاكك في أمرك انت شغال مع مين وايه مصادرك؟؟؟؟؟

خلي مصادري دي سر يابو حافظ وهتكون مفاجأة الموقع عضو جديد رائع هيثرينل بمعلومات وفيديوهات للصبح بس مش هيكشف شخصيته علشان المسألة وانا سعيد ان تامنتدى اكتسب واحد زملكاوي ف حجمك ياحلو انت ياحلو

شكرا يا ابو الاحناف ده من زوقك بس بلاش تقلبها اهلي وزمالك دلوقت استنى لما ناخد الدوري عشان نعرف نغايظ الاعداء قصدي الاعضاء الاهلاويين " الافاضل " ولي عندك طلب كمان اتمنى انك تحاول تعمله " ياريت تغير الصورة ال حاطتها اي نعم في شبه "هههههههههه" " بهزر طبعا" بس اكيد صورتك هتضيف لمبة جديدة للمنتدى ..وياريت تقولي توقعاتك للقاء الزمالك وبني عبيييييييييييييييييييييييد الجاي

ده كان زمان يابو حافظ ياغالى اولا نورت المنتدى
ثانيا الزمالك فريق تقيل والله يرحم لما كانت البلد كلها زملكاوية وكان فيها اتنين تلاتة بالكتير هما الاهلوية
ثالثا بالنسبة للموضوع بتاع الانتخابات هقولكم على نكتة حصلت فى الانتخابات اللى فاتت
بعض الدوائر حصل بعض المرشحين على عدد أصوات أكثر من الموجود فعلا فى الدائرة يعنى مثلا
الدائرة عدد أصوات المواطنين فيها الذين يحق لهم التصويت 50000 صوت مثلا
حصل بعض المرشحين فى هذه الدوائر على 60000 صوت
طيب ازاى؟؟؟؟؟؟؟؟؟؟؟؟؟؟
وإحدى الدوائر الاخرى حصل أحد المرشحين على صفر من عدد الاصوات مع انه ادى صوته لنفسه
طيب ازاى؟؟؟؟؟؟؟؟؟؟؟؟؟؟؟
تحياتـــــــــــــــــــــــــى
لأنزه انتخابات فى الدنيا

اولا الفوز انشاء الله يابوحافظ للبلانكو اي نعم بنى عبيد فريق كبير وله صوالات وجوالات فى كرة القدم العالمية والمحلية ولكننا سنفوز عليه انشاء الله 5 صفر
ثانيا وردا على سمسم ياعم اسامه ماتظلمش الناس وتتبلى عليهم كده ماجايز الصوت بتاع العضو اياه الى اخد صفر كان باطل و ده ممكن يكون وارد جدا فى بلد بيحصل فيها العجب زى مصر .... اى والله بيحصل فيها العجب

ايه هو ال كان زمان يا سمسم دحنا لسه شامين نفسنا من شهرين تلاتة الله يخليك اصبر متنقش من دلوقت ناخد الدوري وانشلله نضرب بمب على صفحة المنتدى
أما موضوع الانتخابات وزيادة عدد الأصوات ممكن يكون لأهل البلد دي الحق في التصويت مرتين فعدد الأصوات يزيد مش بعيدة على مصر يعني هو انت تعرف في القانون المصري حاجة
أما العضو ال خد صفر ده اكيد راجل ذكي هو اصلا مصوتش لنفسه عشان عارف كدة كدة هيسقط فقلك أدى المنافس وبعدين أقول ازااااااااااااي ياناس أخد صفر في الأصوات
حاول تلاقي لكل مشكلة مخرج يا اسامة أحسن هتتجنن وتدور في الشوارع بجلبية مقطعة لو فكرت بعقلك في ال بيحصل

ولما انت عارف يا حمبوزو ان بلدك بيحصل فيها العجب عشمان ليه تفوز على بني عبيد قارن نفسك بيه الأول وشوف مقابلاتك معاه واعرف مين المتفوق
انت عارفني زملكاوي صميم بس الاعتراف بالحق فضيلة بني عبيد فريق لا يستهان بيه..بس انا حاسس اننا هنقدر نتعادل في الوقت الاساسي والاضافي واتمنى نفوز يف ضربات الجزاء
أه محروق من الفريق ده قوي يا محمووووووووووود
اقل من 17 - صفر مش هرتاااااااااااااح

الجحيم لببنى عبيد والفوز للزمالك

بس قولي يامحمد انا سمعت ان حسام بيستعد لبنى عبيد بفريق اوروبي انت من رأيك مين أقرب لأداء بنى عبيد

برشلونةولا ليفربول ولا سمنود

متغلطش في سمنود لو سمحت يا محمود

هههههههههههههههه
الزمالك قادم وبقوة
ولا عزاء للحاقدين

وبعيدا عن الانتخابات
وقع محمود فتح الله مدافع الزمالك الدولى على عقود تجديده رسمياً مع نادى الزمالك، بعد فترة شد وجذب بين الطرفين، لمدة 4 مواسم من ضمنها الموسم الحالى، بقيمة 3 ملايين فى الموسم الأول تزيد ربع مليون كل موسم.
مبروك يا حمبوزووو انت واسامة

احلى حاجة فى المنتدى بقى مقتصر على ثلاث افراد بس وكل الحين والاخر يدخل واحد ينشط شوية وبعدين ينسى شكل بتوع البلد سابو المنتدى وراحو على الفيس بوك لان ملاحظ ان شباب كتير جدا جدا ليل نهار على الفيس بوك

مبروك بس زى ماقلتلك قبل كده مافيش مشكلة مع الزمالك حتى لو ماماضاش فتح الله الزمالك فريق كبير مايقفش على لاعب حتى لو كان فتح الله ذات نفسه

احمد يابو حنفي معدن ان هو مضى لأن لو فتح الله مشى كنت هتلعب دفاع بالصفتي وغانم وعبد الشافي واتخيل بقي ياحج ايه ال ممكن يحصل معانا عبد الواحد كان هيعمل زي الواد بتاع اعلان دريم ال بيدخل فيه 20 كورة مرة واحدة

كلامك صح يابو أدم بس طب والحل؟؟؟
أقولك ممكن نسمي المنتدى بدل الشيخ حسين يبقى الشيخ بوك يمكن حد يغلط ويفتركه الفيس بوك ويشارك

لو عبد الواحدج بقى زى الواد بتاع دريم ساعتها يحلها ربنا ونجيب نور الشريف اوه اقصد شحاتة ابو كف الى بيجيب ستة اهداف فى العودة اقصد ف المباراة او نتعاقد مع كابتن زبزو اقصد محمد صبحى الى بيدخل كرتونين اقصد دستتين اجوان وعليهم جوزين لما يكون فيه عرض


والجماعة الى كانوا منورين المنتدى راحو فين شجع منتج بلدك وماتروحش للفيس الى كان معمول اساسا للخواجات ولا عقدة الخواجة ستظل فور ايفر

عشنا وشفنا الزملكاوية طلعلهم صوت كل ده عشان الاهلي اتعادل 3 متشات واتغلب متش امال لو خدتو الدوري 7 سنين هتعملو ايه وكويس انك حاطين نفسكم ف تحدي مع بني عبيد اهو في تقارب في المستوى هههههههههه

اولا حمد لله على السلامة يابو ادم
ثانيا ايه المشكلة ياجماعه اننا نشارك على الفيس بوك وكمان نشارك فى منتدى القرية
ثالثا يابو حافظ حتى لو الزمالك لعب من غير دفاع خالص الوحش عبد الواحد قدها وقدود وراجل بيسد فى مكانه وكلنا عارفين الاخ عدلى القيعى هيموت وياخده لكن ده بعده
رابعا ياحمبوزو فتح الله لاعب كبير ومؤثر هو ليه بعض الغلطات لكن تغفرله لانه بيحب النادى وولد محترم
خامسا الاخ كتكوت انا هكلمك بعقلانية شديدة جدا وأرجو منك انك تحترم وجهة نظرى دى
1/ الاهلى عامل زى الحزب الوطنى يعنى كل حاجة بتساعده ( إعلام / حكام / إتحاد كورة / وكالة الاهرام / ... إلخ )
2 / إيه المشكلة اننا نفرح بفوز الزمالك وتربعه على القمه هل دى حاجة وحشة ولا المطلوب مننا اننا نبقى زعلانين او نسكت ومنتكلمش حط نفسك مكانا وشوف انت حضرتك هتعمل إيه ومنتظر ردك على الكلام ده
3/ الزمالك فريق كبير واننا بنتكلم ونقول بنى عبيد لأن الفريق ده هزمنا فى مباراة ونعترف ان الزمالك كان سيء وكانت فضيحة بالنسبة لينا
أيوة انا بقول كانت فضيحة لكن وارد جدا ان فريق يهزم لكن اللى مش طبيعى ان فريق كبير زى الزمالك فى افريقيا والشرق الاوسط يفضل 7 سنين بدون بطولات الا بطولة وحيدة
انا منتظر ردك ياأخ كتكوت على كلامى ولو أى حد من الاعضاء المحترمين فى منتدانا الغالى له أى تعليق أنا أحترم وجهة نظركم جميعا
أسف على الاطاله لكن حبيت أرد على الكلام ده شكرا ليكم

شكرا يا سمسم
والأخ كتكوت بعد اذنك ارجع اقرأ تعليقاتي أنا وحمبوز مش هتلاقي فيها سيرة الأهلي ..أنا وهو مشجعين للزمالك سواء رضيت ولا مرضتش وبنتكلم عن الزمالك ومش هنبطل كلام فياريت متحولش صفحة المنتدى لحرب كلامية عن الزمالك وفريقك ده اسمه ايه؟ بس ملحوظة يعني وزي منت قلت الاهلي اتعادل 3 متشات واتغلب متش السنة دي..مش ملاحظ بقي ان اتنين منهم تعادل وواحدة هزيمة نكراء كانوا كلهم حكام أجاااااااااااااااانب فكر كدة وقلي لاحظت الموضوع ده ولا لا

صح كلامك يابو حافظ وارجع لتعليقى على الاستاذ كتكوت انا قلتله الزمالك مش بيكسب بالحكام والاعلام والحكام واتحاد الكورة بيجاملوه يعنى الرسالة وصلت