رساله هامة لكل من فى المنتدى

رساله الى من قام على اكتافهم منتدى قرية الشيخ حسين ولا يشاركون الا فى مناسبات قليله أو لا يشاركون من الاساس

خالد صلاح
ريمو
حمبوزو
اشرف التونى
أيمن مهران
نونا
مهران خليفه
أحمد وصفى
أبو ادم
مالذى حدث هل فعلتم كل مافعلتم حتى يقال عنكم انهم هم الذين أنشأوا المنتدى أعلم أنكم لستم من محبى الشهرة ولا من عشاقها بل عملتم فى صمت حتى أقمتم هذا الصرح الجميل والجديد فى قريتنا فلماذا الرجوع الأن بجد وحشتونا ارجعوا علشان تكملوا مش هينفع نكمل احنا لوحدنا انتوا أساس المنتدى منتظرينكم ياجماعه



رساله الى من شاركوا لفترة وامتنعوا بعد ذلك
محمد جمال
بنت الريف
دلوعه
علاء الدين محمد عبد الشافى
بودى
تيكا
محمد الشرقاوى
أحمد حمدى
لولو
كان أملنا فى الله ثم فيكم كبير ليه بتعشمونا بحاجة وانتوا مش قدها سامحونى على لهجتى بس ده من عشمى فيكملانى قلت خلاص كده المنتدى اتظبط وهينجح وبعدين لقيتكم بتتراجعوا ياريت ترجعوا لنا بالجديد ويومها هتلاقونا كلنا فاتحينلكم ايدينا وبنقولكم اهلا وسهلا بيكم فى منتداكم

رساله لمن لايشارك فى المنتدى بعد التسجيل
لماذا سجلت مادمت لم تشارك ولن تشاركألا تريد أن يحفر التاريخ اسمك فى القرية وتكون من أوائل الناس الذين قام على اكتافهم منتدى قرية الشيخ حسين هنستناكم قد تكون هناك ظروف تمنعكم عنا لكننا ننتظر لعل المانع خير ان شاء الله


رساله للذين يشتركون باستمرار
مصطفى زغلول
مصطفى كامل عبد اللطيف
عمرو عيسى
ابو بدر
الشيخ مصطفى السيد رياض
حسن فاروق
يارا
هانا
أشرف
توتا
استمروا وأكملوا المسيرة ولاتتوقفوا نريد قريتنا اجمل قرية واحسن قرية ولتكن الكلمة الطيبة هى شعارنا ومصلحة القرية هى أول من نفكر فيها أرجوكم لاتتوقفوا


رساله خاصة الى الاستاذ محمود عبد اللطيف

ننتظر منك كل جديد اعلم انك لم تتوقف عن دعم المنتدى ولن تتوقف وأريد أن أقدم لك الشكر نيابة عن جميع الاعضاء والمشرفين والزوار لأنك أتحت الفرصه لعدد كبير من الناس للتعارف فيما بينهم وصلة أرحامهم وجعلت حب القرية جزءا من حياتنا جزاك الله خيرا عن كل من شارك فى المنتدى

أولا / أحب أشكر الاستاذ خالد صلاح على كلماته الجميله فى رده وانا عارف ياخالد ان كان فيه ظروف قهرية منعتك من المنتدى بس انا قلت الكلام ده وذكرت حضرتك اول واحد علشان صعب مجهودك الرائع فى المنتدى يضيع كده ومتكملوش
ثانيا/أحب اشكر الشيخ مصطفى على رده المشجع ويارب ياشيخ تستمر بنفس الحماس ده للنهايه
ثالثا/أحب أشكر الدكتور عمروعلى رده مع إنه ترك المنتدى لفترة طويلة ولم يتابع المواضيع لكنه رجع الينا وبكل قوة ونتمنى أن تستمر يادكتور فى دعم المنتدى بالموضوعات الهادفه
رابعا/مش عارف أشكرك ازاى ياأستاذ محمود على كلماتك الجميله دى وده شرف كبير جدا ليا ان حضرتك تقول الكلام ده واوعدك ان شاء الله وكل من فى المنتدى بمواصلة العمل فى المنتدى حتى نرى قريتنا من أجمل القرى ومنتدانا من أجمل المنتديات
أما بالنسبة لموضوع التهذيب التلقائى فأتمنى من حضرتك تعيد النظر فى هذا الموضوع لإنه من الصعب على شخص مثل الاستاذ مصطفى كامل عبد اللطيف انه يتابع كل مواضيعه بصورة مستمرة وكذلك الوضع بالنسبة ليا لإن كل واحد عنده شغل وصعب انه يعطى وقته كله للمنتدى وأشكرك جزيل الشكر وأنا اسف على الاطاله بس الموضوع بجد مهم
أخيرا كلمه لكل من ذكرت أسمائهم ومن لم أذكر أسمائهم أنتظر ردودكم على هذا الموضوع وربنا يبارك لكم جميعا