مفاجأة جميلة لكل أعضاء المنتدى !!!!! شوف بلدنا الجميلة..صور حصرية روعة

ياعم نزل الصور حد لاقى صور حلوة من قلب البلد


وشكرا ليك ولصديقك الراجل الاخلاق ده الى شكلك دبسته فى الصور دى

تماااااااااااااااااااام

فين يا عم باقي الصور
و الله الوحد وحشتة البلد بطريقة جامدة

كلام جميل يا جماعة والله بس الرجاء التحقق من الصور جيداً بحيث تنشر ولا تحدث رد فعل عكسي لاحد بمعنى تحمل الشخص مسؤولية تامة عن الصور والأشخاص الذين يظهرون فيها علشان حقوق الغير .

كل شيج انكشف وبان

يعني ايه انت هتكدب ول ايه دنتا شتيفهم بعينك ال هياكلها الد......

ده سؤال اكمل ده ولا ايه يامرسي؟؟

ع العموم انا واد شاطر وهجاوبك
يعني ايه انت هتكدب ول ايه دنتا شتيفهم بعينك ال هياكلها الدرر من كتر حلاوتهم

انا بس بهزر لما انت بتقول انى بعرف كل كبيرة وصغيرة فأنا بهددك بفضح اسرارك الى انت اساسا ماحكتهاليش

ياعم دى احسن من ويكيليس

ويكيليس دى تقدر تجبلك صور من البلد ؟؟

في صور جديدة نزلت يا عم الحج انت وهو

هل تعلموا ان فتحت كافتيريا فى بلدنا ؟

كافيتريا؟؟

شيء جميل وهتساعد غلى النمو السياحى فى القرية بعد احداث المظاهرات التى حدت من توافد السياح من طوخ وسيسكو هههه
ياريت يا أخت يارا لما تكتبى خبر تكتبيه بالتفصيل

يعنى هى فين ومين الى عملها وبتقدم ايه خدمات؟؟

وشكرا ع المعلومة\
نورينا يعنى

ناقص تقولى ان الكافتريا مافيهاش كريبب ولا فهيتة ولا كلوسلو تبقى كافتريا اى كلام وبيئة كمان ...اتيعة

بص هو فيها كباب وكفته وفراخ ولحمه وكشرى وكل انواع الاكل والله بتكلم بجد
وبصراحه اكلها حلو حسيت انى باكل فى اسيوط ولا المنيا
يلا بقا عقبال اسواق الاتحاد لما تيجى البلد

"بص هو فيها كباب وكفته وفراخ ولحمه وكشرى"
احمدك يارب

ياريت يا أخت يارا للمرة الالف اتكلمى باستفاضة شوية

يعنى انا عايز اعرف مكانها فين؟
مين الاخ الفاضل صاحبها؟
فيه خدمة الدليفرى ولا لع؟؟

ياريت تحاوبي ع الاسئلة بوضوح

ههههههه
ياد انت مركزتش في تعليق يارا كويس هههه هي بتقول كباب وكفته وفراخ ولحمة وكشري..وبعديهم على طول كاتبه وكل أنواع الأكل..طب ما من الأول تقولي كدة وخلاص..واشمعنا أسيوط أو المنيا بالذات يعني مع ان أكلهم مش ال هو برضه..ده الفوال بتاع ملوي أحسن منهم
وعايزين نعرف الكافتيريا فاتحة فين في البلد؟؟؟
ولا انت هتيجي في النهاية وتقولي " لا معرفش أصل ماما صحتني من النوم قبل معرف الكافتيريا ال حلمت بيها فين بالظبط ؟؟

ههههههههههه اتريقوا على اخبارى
صاحبها الحاج بدر
فاتحه جنب الشجره فى الشارع اللى فيه الحاج سيف
اه والله فيها الديلفرى

انا هتنقط منك يا يارا بصراحة كل مرة تتوهينا ..انا عشت في البلد كتير بس اول مرة اعرف ان الحاج سيف جنبيه شجرة..انتي قصدك عند نسايبي شجرة الطوال يعني ولا زرعوا شجرة جديدة عند الحاج سيف ؟؟؟؟

ايوه عند شجرة الطوال جنب بيت الاستا\ حامد

العف بردوا

واخيرا نطقت يارا بالمكان الحقيقي للكافتريا شكرا على نقل الخبر ياستي

ياساتر ربنا يعينا والله يا أخى
لا حقيقي الاخت يارا دى ماليها حل
لما يارا قالت
فاتحه جنب الشجره فى الشارع اللى فيه الحاج سيف
قلت انا يبقى جنب شجرة التوت يتاعت اولاد المرحوم قضب بس احترت فين بالظبط قلت مش مهم ياواد اي ان كان حتى لو كان فوق الشجرة نفسها ع العموم كده جنب بيتنا بالظبط وقعدت اتخيل نفسي وانا واقف ف البلكونة فى الشتاء البارد وعن كثب اعواد الحطب تلتهمها النيران كى تشع فى الغرفة بعضا من الدفىء و بينما انا انتفض من شدة البرد واتمايل نحو السنة النار إذ تأتينى رائحة الطعام الذكية من قاع المنزل فتتخبط احشائى داخل بطنى وهى تطلب سندوتش كباب ولا كفتة ولا بعضا من الكشرى ابو دقة
وصحيت من الحلم على شجرة الطوال

طاب سؤال ايه الى جاب شجرة الطوال للحاج سيف مع العلم ان الشجرة اول الشارع والحاج سيف يكاد يكون اخر الشارع ؟

لابد ان تكون اجابتك واضخة ودقيقة ومنطقية
لا ابيض ..لا اسود

يا اخى بطل نق وقر لحسن ييجى زلزال يهد الشارع بأكمله

وهو ده الى بناخده منكم يا سكان المناطق العشوائية
هههههههه

عشوائية برضه ؟؟؟؟ نتصل بعمتك يعني ؟؟؟؟؟؟؟؟

الواحد مايقدرش يفضفض معاك بكلمتين يأخى
انا قصدى المنطقة الى اول الشارع بتاعكم الضيقة دى

بس قدام بيت عمتى فيه وسع يفوت عربيتين نقل واسقين قصب كمان

ده مش خوف بس اعتراق باالحق ومش عيب الواحد يعترف بغلطه هه
هههههههههههههههه

يعنى الشجره دى مش فى الشارع وخلاص
مش هتفرق الخطوتين دول وبعدين معرفش ان فى شجرات تانيه فى الشارع

ايوة كدة اتعدل يا حمبوزو
وانتي يا يارا جمع شجرة اشجار مش شجرات هههه

ليه كلامى الخاص متاخدوش فى بالكم ههههههه

عادي بس منين جبتي كلامك الخاص اصلا احنا مخدناش كدة في المدرسة ....ولا انتي اتعلمتي في مدارس الرحمة الخاصة ال في ملوي

هههههه اتعلمتوا من نفسى

ان النفس لامارة بالسوء...اتعلمي صح بلا شجرات ناقص تقولي طعميات ومدمسات وارغفات هههه دعابة

هههههههههههههه

على فكرة انتوا جوعتونا..........بجد

ايه ياعم الحج انت دخلت في المنتدى وانت جعان طب كنت كلت الاول وبعدين اشترك هههه

يايارا بلاش نصب
هى مافيهاش كباب خالص ياجدعان
واللى ماسكها
بدر سيد وحسن صابر ومحمود صابر

مجتش ع الكباب يعني عادي مش هتفرق معانا في البلد احنا ناس غلابة يا عم الحج مش زي بتوع العزبة

ههههههههههههههه
ماشى ياعم محمد

بس في حاجة غريبة ياسامة انتو ليه عندكم في العزبة مش بتهتموا بالمشاريع دي ..يعني تعملوا سوبر ماركت كبير ومطعم وقهوة ومحلات خضار وكدة يعني ..انا بتكلم جد فكر في الموضوع واعمله انت وخلي حد يشتغل معاك

معرفش بس ده سمعته ودقته كمان
ماشى وف الاخر مين صاحبها؟
مش نصب والله دى حاجه سمعتها
شوفوا مين يجبلكم اخبار تانى ههههههه

سمعته ودقته ؟؟؟ ههههههه اول مرة اسمع عن طعام يتسمع ويتداق في نفس الوقت ؟؟؟
ومحدش قال متجبيش اخبار بس من غير كباب والنبي عشان انا برضه مصدقتش ان اهلي ناويين يغمزوا الايس كريم بالعيش في البلد..ههههه