المشكلة ليست في من يرشح نفسه باب الترشيح مفتوح وسهل جدا وكثير جدا من البلد يصلح واحسن من غيره وانتو عارفين
بس المشكلة هتكون في المرتزقة في الحملة الانتخابية علشان مكسب شخصي بسيط هيعملوا المستحيل علشان يثبتوا انهم ليهم كلمة في البلد
وهم اكتر الناس عارفين ان المرشح بيضحك عليهم بس هما بيفرحوا بالظهور وبيتشطروا على اهل البلد الغلابا
وطول عمرنا بنشوفهم يتصارعوا علشان المرشح الغريب وعمرهم ما حققوا اي مكسب
جي الوقت اللي يفوقوا ويعرفوا ان اقتراحكم هو الحل لوحدة البلد حتى لو ما حصل مرشحنا على أصوات
المهم نفسي البلد تتفق مرة على حاجه بس اوعو تنسوا ان الاتفاق على المرشح من كل اهل البلد مكسب اكبر من مكسب الانتخابات نفسه
وبصوا حواليكم شوفوا ايه مصلحة المرشحين يفرقوا بين ايناء كل بلد مش بس بلدنا طبعا مبدأ فرق تسد
وفي الاخر بنعادي بعض علشانهم واحنا اخر ناس بيفكروا فينا وكل همهم ارضاء الشخصيات الكبيرة المؤثرة في بلادها
وطبعا احنا مفيش حد في بلدنا من الشخصيات دي ولذلك عمرنا ما شفنا اي مرشح بيعمل اعتبار لحد بعد ما يفوز
واذا كان الخبر غير صحيح فاقتراحي غير صحيح وباختصار ان البلد تتفق مرة على مرشح واحد حتى لو من بره
اعذروني في الكتابة البلدي دي بس الموضوع حكم
