نموت ولا تموت 
الفحل والنحل والرملة وحنفية العمدة
طبعا بعض الناس هيسأل ايه الفحل وايه النحل وايه الرملة على الرغم اني بعض الناس اول ما فتحت عنيها وشافت الدنيا شافت الحاجات دي مش بس دي اترعرعت فيها وياما احتضنتها وطلعت اجيال كتير منهم ناس يمكن نسيت الاسم ده
الفحل ودي ايامها كانت اخر منطقة في الشيخ حسين من بحري والظاهر كان فيها فحل وما كانش في حاجة اسمها بحري البلد ولكن كانت معروفة بالاسم ده المهم اني الفحل وما بعد الفحل آهل بالسكان وبطلت الناس تقول الفحل واكتفت بس ببحري البلد
اما النحل
ودي كانت اخر منطقة في الشيخ حسين من قبلي وسميت بالاسم ده عشان كان فيه منحل في المنطقة دي وكان اي مكان يكون فيه منحل لازم تشد الجلبيه على وشك وتطلع تجري لاحسن النحل يلهسك على فكرة وانا صغير كان عند عمي منحل وكنا ساعة ما يفرزوا العسل تلاقينا كلنا اتلمينا واخدنا ساتر بعيد وبعد كده يطلع النحال بقرص الشمع اللي لو فطلت تاكل اي كميه منه ما تقدرش تبطل يا سلام؟؟؟؟؟؟ المهم في مرة وانا باكل قرص عسل كان جوه القرص نحلاية صغيرة وما شفتهاش وانا باكل وما تقلش انا كلتهامع القرص لا ما تخفش مالحقتش قبل ما اكلها قرصتني اغرب قرصه في التاريخ وما اعتقدتش حد اتقرصها في حياته تخيل انها قرصتني في لساني ايوا والله في لساني قعدت اصرخ واخرب الدنيا ومش قادر استحمل المهم من المعروف لما تتقرص من النحل تحط مكان القرصه طين وفعلا حطيت طين على لساني ومليت بقي طين وبدل ما اكل شمع العسل كلت الطين يوميها والله زي ما حصل كل ده آسف لاني خرجت بره الموضوع
اما موضوع الرملة
ودي منطقة كانت بحري البلد وكان اللي يروحها بالليل يقول انا روحت علشان الصواريخ والعفاريت اللي ما شفناش منها حاجة اللي ادت للفشارين فرصه انهم يكونو ابطال(الي يقولك طلعلي جحش ودانه كبيره ملهاش نهايه ورجليه صغيرة زي رجلين المعزة وولعت عود كبريت واختفى واللي يقول شفت صاروخ القريشه راجل عينيه اما تقدح نار واللي واللي واللي)
اما حنفية العمدة
فدي كانت حنفية قصاد جامع العمده لما دخلت الميه البلد جديد مش كل الناس ركبت ميه اياميها كان الحال عالقد فكانوا عاملين حنفيات على اطراف البلد علشان الناس تملى منها ميه وكانت ماسورة الحنفية من الحديد وحجمها كبير وكان لما واحد يوعد واحد وله عايز يطلع لواحد وله وله يقوله عند حنفية العمدة
يا سلام كانت الحياه بسيطة وهادية وكان اقصى امنيات الواحد فينا يكون عندهم ثلاجة ولة غسالة او حتى تلفزيون ابيض واسود حاليا اللابتوب والدي في دي وال ام ام دح والفشخونيا لازم تكون موجوة في شقتك قبل ما تتجوز
المهم رغم ان الاماكن دي لسه موجوده ورغم اني احنا لسه بنمشى عليها وعايشين فيها لكن الاسماء ماتت رغم وجود الاماكن حية ترزق
الفحل والنحل والرملة وحنفية العمدة
طبعا بعض الناس هيسأل ايه الفحل وايه النحل وايه الرملة على الرغم اني بعض الناس اول ما فتحت عنيها وشافت الدنيا شافت الحاجات دي مش بس دي اترعرعت فيها وياما احتضنتها وطلعت اجيال كتير منهم ناس يمكن نسيت الاسم ده
الفحل ودي ايامها كانت اخر منطقة في الشيخ حسين من بحري والظاهر كان فيها فحل وما كانش في حاجة اسمها بحري البلد ولكن كانت معروفة بالاسم ده المهم اني الفحل وما بعد الفحل آهل بالسكان وبطلت الناس تقول الفحل واكتفت بس ببحري البلد
اما النحل
ودي كانت اخر منطقة في الشيخ حسين من قبلي وسميت بالاسم ده عشان كان فيه منحل في المنطقة دي وكان اي مكان يكون فيه منحل لازم تشد الجلبيه على وشك وتطلع تجري لاحسن النحل يلهسك على فكرة وانا صغير كان عند عمي منحل وكنا ساعة ما يفرزوا العسل تلاقينا كلنا اتلمينا واخدنا ساتر بعيد وبعد كده يطلع النحال بقرص الشمع اللي لو فطلت تاكل اي كميه منه ما تقدرش تبطل يا سلام؟؟؟؟؟؟ المهم في مرة وانا باكل قرص عسل كان جوه القرص نحلاية صغيرة وما شفتهاش وانا باكل وما تقلش انا كلتهامع القرص لا ما تخفش مالحقتش قبل ما اكلها قرصتني اغرب قرصه في التاريخ وما اعتقدتش حد اتقرصها في حياته تخيل انها قرصتني في لساني ايوا والله في لساني قعدت اصرخ واخرب الدنيا ومش قادر استحمل المهم من المعروف لما تتقرص من النحل تحط مكان القرصه طين وفعلا حطيت طين على لساني ومليت بقي طين وبدل ما اكل شمع العسل كلت الطين يوميها والله زي ما حصل كل ده آسف لاني خرجت بره الموضوع
اما موضوع الرملة
ودي منطقة كانت بحري البلد وكان اللي يروحها بالليل يقول انا روحت علشان الصواريخ والعفاريت اللي ما شفناش منها حاجة اللي ادت للفشارين فرصه انهم يكونو ابطال(الي يقولك طلعلي جحش ودانه كبيره ملهاش نهايه ورجليه صغيرة زي رجلين المعزة وولعت عود كبريت واختفى واللي يقول شفت صاروخ القريشه راجل عينيه اما تقدح نار واللي واللي واللي)
اما حنفية العمدة
فدي كانت حنفية قصاد جامع العمده لما دخلت الميه البلد جديد مش كل الناس ركبت ميه اياميها كان الحال عالقد فكانوا عاملين حنفيات على اطراف البلد علشان الناس تملى منها ميه وكانت ماسورة الحنفية من الحديد وحجمها كبير وكان لما واحد يوعد واحد وله عايز يطلع لواحد وله وله يقوله عند حنفية العمدة
يا سلام كانت الحياه بسيطة وهادية وكان اقصى امنيات الواحد فينا يكون عندهم ثلاجة ولة غسالة او حتى تلفزيون ابيض واسود حاليا اللابتوب والدي في دي وال ام ام دح والفشخونيا لازم تكون موجوة في شقتك قبل ما تتجوز
المهم رغم ان الاماكن دي لسه موجوده ورغم اني احنا لسه بنمشى عليها وعايشين فيها لكن الاسماء ماتت رغم وجود الاماكن حية ترزق
