نموت ولا تموت

يا اهالي الشيخ حسين الكرام اللي عيان وعايز يكشف الدكتور موجود فوق الجامع الغربي
ياه من زمان وبطلنا نسمع الكلمات دي والعجيب ان اي دكتور مبتدىء يلف على القرى في بداية مشواره وبعد ما يشتهر يروح المدينة وبرضو العاينين وراه فمثلا الدكتور عبد العظيم بتاع الاسنان والدكتوره هويدا مراته قعدوا في البلد قرابة 5 سنوات و لغاية الآن الناس بتروح لهم لانهم زباين من زمان طبعا وبعض الناس هتقولي طيب ايه علاقة عنوان الموضوع بالكلام ده ما نسينا ومفتكرناش غير لما قولتلنا؟ هي فعلا ممكن تموت بالنسبة ليا وليك علشان بطلنا نسمع ده وتقريبا مش هنسمعه تاني لكن بالنسبة للدكتور والدكتورة واي دكتور جه البلد عمره ما هينسى ابدا انه شق طريقه في بلدنا وناس ربنا شفاها على ايديه وناس ربنا افتكرها برضو على ايديه والدليل على كده اي انسان في بدايه حياته كموظف او عامل عمره ما هاينسى اول مكان اشتغل فيه ................
كَُرارييييييييييه
اسم نوع من انواع اللطع (مرض يصيب اوراق شجر القطن في بداية حياته) طبعا كل الناس اللي راحت الدوده نسيت والاجيال الجديده ما تعرفش حاجه عن الكلام ده (ده مش معناه اني مخضرم واشتغلت خولي في يوم من الايام او حتى بنقي لطع) بس اللي عايز اقوله بعد اكتشاف علاج لمرض اللطع بطلت الدوده وانتشرت بعديها بطاله الاطفال اللي كانت بتروح عشان تجيب عالأقل مصاريف مدارسها المهم اللي مات لمة الاطفال الحلوة كل صبح و تروح تلقط رزقها من تلقيط اللطع واللي لسه عايشه اللطع
والى اللقاء في موضوع جديد

والله يا استاذ اشرف أخذتنا لحظات جميلة في ذاكرة الماضي بمواضيعك الجميلة دي بس والله عمرنا ما نسينا الأيام دي ودايما نتذكرها نداء الميكروفون وكرارية بس الثانية مش قوي لان عمرنا ما زرعنا قطن شرق البلد .
حياك الله يا غالي ييييييييييييييييييي .
هيه دي المواضيع التي تذكرنا وترجع الذاكرة إلى الخلف وتقوي الترابط بالشيخ حسين .

يا سلام على ايام زمان

ماشى ياعم الجيل الجديد ربنا يخليلنا الفراعنه ويفكرونا بقديمنا

بارك الله فيك يا اشرف