طبعاً موضوع غسيل الأموال ده مكنتش أعرف عنه إلا اسمه ،ولكن من حوالى أسبوعين تلاتة وحينما كنت أتحدث مع أحد أقاربى وهو يصغرنى بأربع سنوات ،على النت قالى أن فيه واحدة من ماليزيا بتقولى إن هي مريضة جداً وعندها فلوس وعايز تتبرع بالفلوس دى للمؤسسات الخيرية ، وأنها عايزاه هو يساعدها فى الموضوع ده وحياخد نسبة من هذا المال 25 %...
وطبعاً هى عندها فلوس مش كتير قوى يعنى 2 مليون استرلينى ،وقالت له أنها موكلة محامى والمحامى ده حييجى ويعطيك كل الأوراق الخاصة بهذا الشأن...
طبعاً دى كانت بداية الموضوع وأكيد أنتو عارفين أنا هرد عليه ازاى وهقوله ايه ،وبعد جدال كبير بيننا وتحذير شديد من هذا الموضوع الذى لا ينخدع به الأطفال فضلاً عن أن يكون شاباً جامعياً مثله ،ووعدنى بأن يصرف نظراً عن هذا الموضوع...
طبعاً أنا قعدت فترة حوالى أسبوع ما اتصلش بيه وقولت خلاص هو الموضوع انتهى ،لكن للأسف لما كلمته لقيت الموضوع بدأ ينتقل من حيز التخطيط إلى حيز التنفيذ ...
فالسيدة التى كانت تراسله وكما ذكرت بأنها كانت مريضة -على حد قولها- دخلت غرفة العمليات لإجراء عملية جراحية ، وقبل دخولها تكلمت معه على الانترنت وقالتله أنها داخلة العملية والعملية دى صعبة فلو حصل أى شئ هى تركت الأوراق مع المحامى الموكل من جهتها والمكلف بتسليم المال له لتوزيعه على المؤسسات الخيرية ،وبعدين دخلت العملية وماتت ...
واتصل به المحامى على النت برضه وأعطاه صورة من الأوراق والصادرة من محكمة ماليزيا بجميع توقيعاتها والورقة التى أوصت بها قبل موتها وتوقيعها وطلب منه أن يقوم بفتح حساب فى البنك عشان يبعتله الفلوس على الحساب ده...
وراح الغلبان البنك عشان يفتح حساب ،لكن سنه طلع صغير شوية فقال خلاص أفتح حساب باسم أبويه ،وطبعاً كلم أبوه فى الموضوع وأبوه راجل طيب وما يعرفش فى النت ويحسب أن الموضوع مفهش مشاكل فقاله خلاص ماشى وراح يسألوا عن فتح الحساب قالوله فى البنك تجيب ألف جنيه وتيجى يوم الأربعاء وتفتح حساب...
طبعاً كله ده حصل وأنا ما أعرفش عنه حاجة لأنه تم بسرعة كبيرة ،ولما عرفت وحسيت أن الجماعة مقتنعين بكلامه قلت أنا أحسن أشوف حد زميلى فى البلد يكلمه ويفهمه على الموضوع بطريقة قانونية...
اتصلت بزميلى وهو حاصل على كلية الحقوق ولقيته داخل عشان يمتحن الماجستير ،وأنا عارف أن زميلى ده قرايبه مستشارين ووكلاء نيابه فهيفيده لو الأمر احتاج لكده وأول ما قلتله على الموضوع قالى ده غسيل أموال...
طبعاً أنا قلتله أنا هبعتهلك وأخليه يطبع الأوراق اللى معاه من على النت وتشوفوا الموضوع ...
وكانت النهاية أن الموضوع طلع زى ما أى حد فينا ممكن يتوقعه وهو عملية نصب عن طريق غسيل الأموال ...
والحمد لله إن لحقنا الموضوع قبل ما يتحول لمشكلة كبيرة من الصعب الخروج منها بسهولة...
(والغريب أن لما قلت لقريبى ده أن الموضوع عبارة عن غسيل أموال عمل نفسه فتك وقال ما أنا كنت عارف بس كنت منتظر لما يحولوا الفلوس وأنا أسحبها من البنك أو أغير البسوورد قلتله والله يا ابنى ده يجيبوك أنت وعيلتك كلها ...)
وطبعاً هى عندها فلوس مش كتير قوى يعنى 2 مليون استرلينى ،وقالت له أنها موكلة محامى والمحامى ده حييجى ويعطيك كل الأوراق الخاصة بهذا الشأن...
طبعاً دى كانت بداية الموضوع وأكيد أنتو عارفين أنا هرد عليه ازاى وهقوله ايه ،وبعد جدال كبير بيننا وتحذير شديد من هذا الموضوع الذى لا ينخدع به الأطفال فضلاً عن أن يكون شاباً جامعياً مثله ،ووعدنى بأن يصرف نظراً عن هذا الموضوع...
طبعاً أنا قعدت فترة حوالى أسبوع ما اتصلش بيه وقولت خلاص هو الموضوع انتهى ،لكن للأسف لما كلمته لقيت الموضوع بدأ ينتقل من حيز التخطيط إلى حيز التنفيذ ...
فالسيدة التى كانت تراسله وكما ذكرت بأنها كانت مريضة -على حد قولها- دخلت غرفة العمليات لإجراء عملية جراحية ، وقبل دخولها تكلمت معه على الانترنت وقالتله أنها داخلة العملية والعملية دى صعبة فلو حصل أى شئ هى تركت الأوراق مع المحامى الموكل من جهتها والمكلف بتسليم المال له لتوزيعه على المؤسسات الخيرية ،وبعدين دخلت العملية وماتت ...
واتصل به المحامى على النت برضه وأعطاه صورة من الأوراق والصادرة من محكمة ماليزيا بجميع توقيعاتها والورقة التى أوصت بها قبل موتها وتوقيعها وطلب منه أن يقوم بفتح حساب فى البنك عشان يبعتله الفلوس على الحساب ده...
وراح الغلبان البنك عشان يفتح حساب ،لكن سنه طلع صغير شوية فقال خلاص أفتح حساب باسم أبويه ،وطبعاً كلم أبوه فى الموضوع وأبوه راجل طيب وما يعرفش فى النت ويحسب أن الموضوع مفهش مشاكل فقاله خلاص ماشى وراح يسألوا عن فتح الحساب قالوله فى البنك تجيب ألف جنيه وتيجى يوم الأربعاء وتفتح حساب...
طبعاً كله ده حصل وأنا ما أعرفش عنه حاجة لأنه تم بسرعة كبيرة ،ولما عرفت وحسيت أن الجماعة مقتنعين بكلامه قلت أنا أحسن أشوف حد زميلى فى البلد يكلمه ويفهمه على الموضوع بطريقة قانونية...
اتصلت بزميلى وهو حاصل على كلية الحقوق ولقيته داخل عشان يمتحن الماجستير ،وأنا عارف أن زميلى ده قرايبه مستشارين ووكلاء نيابه فهيفيده لو الأمر احتاج لكده وأول ما قلتله على الموضوع قالى ده غسيل أموال...
طبعاً أنا قلتله أنا هبعتهلك وأخليه يطبع الأوراق اللى معاه من على النت وتشوفوا الموضوع ...
وكانت النهاية أن الموضوع طلع زى ما أى حد فينا ممكن يتوقعه وهو عملية نصب عن طريق غسيل الأموال ...
والحمد لله إن لحقنا الموضوع قبل ما يتحول لمشكلة كبيرة من الصعب الخروج منها بسهولة...
(والغريب أن لما قلت لقريبى ده أن الموضوع عبارة عن غسيل أموال عمل نفسه فتك وقال ما أنا كنت عارف بس كنت منتظر لما يحولوا الفلوس وأنا أسحبها من البنك أو أغير البسوورد قلتله والله يا ابنى ده يجيبوك أنت وعيلتك كلها ...)
